پیرس،پاکستانی سفارتخانے اور پاکستانی کمیونٹی میں فاصلے پیدا کرنے کی کوششیں
ایمبیسی کے نام پر فون کالز کر کے پاکستانی اور کشمیری کمیونٹی کے افراد کو ہراساں کیا جانے لگا
جمعرات 22 ستمبر 2016 20:43
پیرس (اُردو پوائنٹ اخبارتازہ ترین - این این آئی۔22ستمبر ۔2016ء ) پیرس میں نامعلوم افراد نے پاکستانی کمیونٹی اور پاکستانی سفارتخانے میں فاصلے پیدا کرنے کی کوششیں شروع کردیں،ایمبیسی کے نام پر فون کالز کر کے پاکستانی اور کشمیری کمیونٹی کے افراد کو ہراساں کیا جانے لگا،فون کرنیوالوں کا لب ولہجہ بھارتی معلوم ہوتا ہے۔بعض افراد کی سکرین پر پاکستانی ایمبیسی کا نمبر ظاہر ہونے سے ایسا تاثر ملتا ہے کہ کال پاکستانی ایمبیسی سے کی گئی۔
تفصیلات کے مطابق بھارت کے کشمیر میں ظلم و بربریت کو پوری دنیا خصوصا یورپ میں آشکار کرنے پر فرانس میں مقیم کشمیریوں اور پاکستانیوں کے گھروں پر نامعلوم نمبروں سے دھمکی آمیز کالیں موصول ہورہی ہیں۔ جس میں کال کرنے والا شخص اپنے آپ کو پاکستان ایمبیسی کا ملازم ظاہر کرکے لوگوں کی ذاتی معلومات حاصل کرنے کی کوشش کرتا ہے۔(جاری ہے)
اور شناخت طلب کرنے پر کال کرنے والا شخص دھمکیاں دینا شروع کر دیتا ہے۔
کچھ لوگوں سے پیپرز ضبط کرنے کے نام پر ہزاروں یورو کا مطالبہ بھی کیا جارہا ہے۔ کچھ لوگوں کی سکرین پر پاکستانی سفارتخانے کا نمبر آتا ہے لیکن بولنے والے شخص کا لب و لہجہ سو فیصد بھارتی ہے اور جب لوگوں نے اس معاملہ میں سفارتخانہ کے ذمہ داران سے رابطہ کیا تو انہوں نے فوری طور پر لوکل ٹیلی فون کمپنی اور فرانسیسی وزارت خارجہ اور پولیس سے فوری طور پر رابطہ کرکے ان تک یہ معاملہ پہنچادیا ہے۔ سفارتخانہ کے ذمہ داران نے پاکستانی کمیونٹی سے درخواست کی ہے کہ اگر سفارتخانہ کے نام سے کوئی بھی کال آئے تو اس نمبر پر کال بیک کرکے کنفرمیشن کریں کہ یہ نمبر کہاں کا ہے۔ پیرس میں ایک پاکستانی نوجوان نے فون کال ریکارڈ کرکے سفارتخانہ پاکستان کو پہنچادی۔ سفارتخانہ والوں نے آڈیو کال متعلقہ فرانسیسی اداروں تک پہنچادی ہے۔متعلقہ عنوان :
مزید بین الاقوامی خبریں
-
مدینہ منورہ سمیت متعدد سعودی شہروں میں طوفانی بارش کے بعد سیلابی صورتحال
-
آئندہ توہین عدالت پر جیل بھیجیں گے‘ ڈونلڈ ٹرمپ پر ہزاروں ڈالر کا جرمانہ
-
کینیڈا میں خالصتان تحریک شدت اختیارکرگئی
-
سعودی کابینہ نے پاکستان کے ساتھ انسداد دہشت گردی تعاون کے معاہدے کی منظوری دے دی
-
منی پور میں خواتین نے 11 مسلح افراد کو فورسز کی حراست سے چھڑالیا
-
اقوام متحدہ کا امریکی جامعات کے طلبہ مظاہرین کے خلاف پولیس ایکشن پر اظہار تشویش
-
بھارت،ویو کے باعث کلاس روم کو سوئمنگ پول میں تبدیل کردیا گیا
-
متحدہ عرب امارات میں بارشوں کے ایک اور سلسلے کے آغاز کی پیشن گوئی
-
واٹس ایپ نے بھارت میں اپنے آپریشن بند کرنے کے دھمکی دے دی
-
امریکہ کی جانب سے نام نہاد ’’حد سے زیادہ پیداوار ‘‘ایک جھوٹا بیانیہ ہے ، چین
-
حرمین انتظامیہ کی زائرین کو ماسک پہننے کی ہدایت
-
اہلیہ پر کرپشن کے الزامات، ہسپانوی وزیراعظم کا استعفی نہ دینے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.