پی ٹی آئی رہنما اسد عمر نے مولانا فضل الرحمان نے کشمیر کمیٹی کی چئیر مین شپ سے مستعفی ہونے کا مطالبہ کر دیا

اسلام آباد(اُردو پوائنٹ تازہ ترین اخبار۔یکم اکتوبر2016ء) : پاکستان تحریک انصاف کے رہنما اسد عمر نے جمیعت علمائے اسلام (ف) کے سربراہ مولانا فضل الرحمان سے کشمیر کمیٹی کی چئیر مین شپ سے مستعفی ہونے کا مطالبہ کر دیا ہے۔ تفصیلات کے مطابق مائیکرو بلاگنگ ویب سائٹ ٹویٹر پر اپنے پیغام میں اسد عمر کا کہنا تھا کہ جس طرح مولانا فضل الرحمان نے اسمبلی میں کشمیر کی تحریک آزادی کی توہین کی اس کے بعد ان کا کشمیر کمیٹی کے چئیر مین رہنے کا کوئی جواز باقی نہیں رہتا۔

اسمبلی میں جس طرح فضل ارحمان نے کشمیر کی آزادی کی جدّوجہد کی توہین کی اس بعد ان کا کشمیر کومیٹتی چیئرمین رہنے کا کوئی جواز باقی نہی رہا

— Asad Umar (@Asad_Umar) October 1, 2016

انہوں نے اپنے پیغام میں کہا کہ کشمیری عوام آزادی مانگ رہی ہے اور فاٹا کی عوام اپنا حق مانگ رہی ہے لیکن بھارتی وزیراعظم نریندرا مودی اور مولانا فضل الرحمان کو یہ سب نظر نہیں آرہا۔

(جاری ہے)

کشمیر والے آزادی مانگ رہے ہیں اور فاٹا کے عوام پورا پاکستانی ہونے کا حق . یہ فرق صرف نریندرا مودی اور مولانا کو نظر نہی ا رہا

— Asad Umar (@Asad_Umar) October 1, 2016

انہوں نے مزید کہا کہ فاٹا میں تبدیلی لانے کی ضرورت موجود ہے لیکن یہ تبدیلی انشااللہ خیبر پختونخواہ سے فاٹا کے الحاق کے بعد آئے گی۔

اس میں کوئی شک نہی کے فاٹا کے عوام کی زندگی میں بہتری لانے کی اشد ضرورت ہے انشاللہ پختونخواہ سے الحاق کے بعد فاٹا میں انقلابی تبدیلی آے گی

— Asad Umar (@Asad_Umar) October 1, 2016