بھارتی فلموں میں کام کرنا کوئی فخرکی بات نہیں٬ مصطفی قریشی

کراچی(اُردو پوائنٹ اخبارتازہ ترین - این این آئی۔ 01 نومبر2016ء) معروف اداکار مصطفی قریشی نے کہاہے کہ پاکستان کے وہ فنکار جو بھارتی فلموں میں کام کررہے تھے انھیں اس بات پر افسوس نہیں کرنا چاہیے کہ اب انھیں بھارت میں کام کرنے کا موقع نہیں ملے گا بلکہ اس بات پر خوش ہونا چاہیے۔

(جاری ہے)

اداکار نے کہا کہ اب انہیں اپنی ملک میں بنائی جانے والی فلموں میں کام کرنے کے بھر پور مواقع ملیں گے٬بھارتی فلموں میں کام کرنا کوئی فخر کی بات نہیں انھوں نے کبھی پاکستانی فنکاروں کو دل سے تسلیم نہیں کیا٬ہمیشہ اپنے ذاتی مفاد کی وجہ سے پاکستانی فنکاروں کو فلموں میں کاسٹ کیا ہے٬ان خیالات کا اظہارانھوں نے ایک انٹرویو کے دوران کیا ۔

مصطفی قریشی نے کہا کہ پاکستانی فلموں کی کامیابی نے فنکاروں کو بھی شہرت اور عزت دی ہے غیر ملکی فلموں میں کام کرنے والے فنکاروں کو چاہیے کہ وہ پوری تندہی کے ساتھ اب اپنے ملک میں بنائی جانے والی فلموں پر توجہ دیں ہمارے فلم پروڈیوسرز اور ڈائریکٹرز کو بھی چاہیے وہ فنکاروں کی صلاحیتوں سے فائدہ اٹھائیں اور بھارت میں جاکر کام کرنے والوں پاکستانی فنکاروں کو پاکستانی فلموں میں زیادہ سے زیادہ مواقع فراہم کریں تاکہ پاکستان کی فلم انڈسٹری میں ان بہترین فنکاروں سے تبدیلی آسکے۔