پانامہ لیکس کی حقیقت صرف اخباری تراشے اور الزامات سے زیادہ کچھ نہیں، سپیکر قومی اسمبلی نے ریفرنس آئینی طور پر مسترد کیا،وزیر اعظم نے نااہلی کا ریفرنس مسترد کرنے کیخلاف درخواست میں اپنا تحریری جواب لاہور ہائیکورٹ میں جمع کرا دیا
بدھ 16 نومبر 2016 18:40
لاہور۔16 نومبر(اُردو پوائنٹ اخبارتازہ ترین - اے پی پی۔ 16 نومبر2016ء) وزیر اعظم نواز شریف نے نااہلی کا ریفرنس مسترد کرنے کیخلاف درخواست میں اپنا تحریری جواب لاہور ہائیکورٹ میں جمع کراتے ہوئے موقف اختیار کیا ہے کہ پانامہ لیکس کی حقیقت صرف اخباری تراشے اور الزامات سے زیادہ کچھ نہیں، سپیکر قومی اسمبلی نے ریفرنس آئینی طور پر مسترد کیا۔
(جاری ہے)
چیف جسٹس سید منصور علی شاہ نے سابق چیف جسٹس پاکستان افتخار محمد چودھری کی سیاسی جماعت جسٹس اینڈ ڈیموکریٹ کے سردار عادل کی درخواست پر سماعت شروع کی تو عدالت کو بتایا گیا کہ وزیر اعظم نواز شریف، سپیکر قومی اسمبلی اور وزارت قانون نے جوابات جمع کرا دیئے ہیں جبکہ الیکشن کمیشن کا جواب آنا باقی ہے جس پر عدالت نے الیکشن کمیشن کو نوٹس جاری کرتے ہوئے مزید سماعت یکم دسمبر تک ملتوی کردی، وزیر اعظم نواز شریف نے لاہور ہائیکورٹ کے روبرو سلمان بٹ ایڈووکیٹ کی وساطت سے بیس صفحات پر مشتمل جواب میں پانامہ لیکس کو اخباری تراشے اور محض الزامات قرار دیا ہے، وزیر اعظم نے اپنے جواب میں کہا ہے کہ لاہور ہائیکورٹ کو سپیکر قومی اسمبلی کے فیصلے کیخلاف سماعت کا اختیار نہیں، سپیکر نے آئین کے آرٹیکل تریسٹھ کی ذیلی دفعہ دو کے تحت اپنا صوابدیدی اختیار استعمال کرتے ہوئے انکے خلاف ریفرنس مسترد کیا کیونکہ نااہلی کیلئے دائر ریفرنس حقائق پر مبنی نہیں تھا، وزیر اعظم نے جواب میں مزید کہا ہے کہ سابق چیف جسٹس افتخار چودھری کی سیاسی جماعت میری نااہلی میں متاثرہ فریق نہیں ہے، میں نے این اے ایک سو بیس سے الیکشن لڑا، اس لئے مدمقابل امیدوار ہی میری نااہلی کیلئے الیکشن ٹربیونل سے رجوع کر سکتا ہے، جواب میں وزیر اعظم نے اس بات کو پھر دہرایا ہے کہ مریم، حسن اور حسین نواز میری کفالت میں نہیں ہیں لہذا ہائیکورٹ نااہلی کا ریفرنس مسترد کرنے کیخلاف درخواست خارج کرے۔
متعلقہ عنوان :
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.