انڈیا لائن آف کنٹرول پر جارحانہ پالیسی برقرار رکھتا ہے تو ہندوستان کے وجود کی کوئی ضمانت نہیں ہوگی
جماعة الدعوة کراچی کے مس?ل ڈاکٹر مزمل اقبال ہاشمی کا احتجاجی مظاہرے سے خطاب
جمعہ 25 نومبر 2016 21:26
(جاری ہے)
ان خیالات کا اظہار انہوں نے کراچی پریس کلب کے باہر بڑے احتجاجی مظاہرے سے خطاب کرتے ہوئے کیا۔
جس میں مختلف شعبہ ہائے زندگی سے تعلق رکھنے والے لوگ بڑی تعداد میں شریک تھے۔ اس موقع پر شہدائ کشمیر کی غائبانہ نماز جنازہ بھی ادا کی گئی۔ مظاہرے سے جمعیت علمائے پاکستان کے قاضی احمد نورانی، جماعة الدعوة بلوچستان کے رہنما مجیب الرحمن زامرانی، کراچی کے ضلعی مس?ل حافظ عمران بھٹی اور حافظ محمد امجد نے بھی خطاب کیا۔ مظاہرین نے بھارتی جنگی جنون اور لائن آف کنٹرول پر گولہ باری کو کھلی دہشت گردی قرار دیتے ہوئے زبردست نعرے بازی کی، جبکہ بھارتی ترنگے کو بھی نذر آتش کیا گیا۔ احتجاجی مظاہرے سے خطاب کرتے ہوئے مزمل اقبال ہاشمی نے کہا کہ بھارت شروع دن سے پاکستان کے وجود کو برداشت کرنے پر تیار نہیں ہے۔ نریندر مودی اور ان کی کابینہ حواس باختہ ہوچکی ہے۔ لائن آف کنٹرول پر گولہ باری کا سلسلہ جاری رکھنا بھارت کے حق میں بہتر نہیں ہوگا۔ انہوں نے کہا کہ ہم کھلے لفظوں میں کہتے ہیں کہ ہر پاکستانی کے لہو کا بدلہ لیا جائے گا۔ پاکستان توحید کے ماننے والوں کا ملک ہے۔ ہم بھارتی جارحیت کا منہ توڑ جواب دینا جانتے ہیں۔ نہتے شہریوں کا خون بہانا سب سے بڑی دہشت گردی ہے۔ ہم امن پسند لوگ ہیں لیکن دشمن کی کسی للکار پر چھپ نہیں رہیں گے۔ جمعیت علمائے پاکستان کے رہنما قاضی احمد نورانی نے کہا کہ نہتے شہریوں کو شہید کرنے پر معذرت خواہانہ رویے کی بجائے بھرپور جواب دینے کا وقت آگیا ہے۔ پاکستان کا ایک ایک بچہ اس ملک کے دفاع کے لیے جان قربان کرنے کو تیار ہے۔ شہدائ کے لہو کا حساب لینا ضروری ہوگیا ہے۔ جماعة الدعوة بلوچستان کے رہنما مجیب الرحمن زمرانی نے کہا کہ بھارت کشمیر میں تحریک آزادی کو دن بدن مضبوط ہوتا دیکھ کر سخت بوکھلاہٹ کا شکار ہے‘ یہی وجہ ہے لائن آف کنٹرول کے اس پار بھی نہتے شہریوں کو نشانہ بنا رہا ہے۔ آج جمعہ کے دن ملک میں ہونے والے مظاہروں اور ریلیوں سے ہم بھارتی دہشت گردی کے خلاف بھرپور تحریک کا آغاز کر رہے ہیں۔ بھارت کو یہ بات ضرور یاد رکھنی چاہیے کہ پاکستان اللہ کے فضل و کرم سے ایٹمی قوت ہے اور بھارتی جارحیت کامنہ توڑ جواب دینا جانتا ہے۔ بھارت اس سے قبل بھی کشمیر کے متعدد سیکٹرز پر بلا اشتعال فائرنگ کرتا رہا ہے۔ اگر بھارت اشتعال انگیزی سے باز نہیں آتا تو پاکستان بھی اپنی دفاع میں حق بجانب ہوگا۔ حافظ عمران بھٹی اور حافظ محمد امجد نے کہا کہ لائن آف کنٹرول پر بھارتی فائرنگ سے بے گناہ شہری، مکانات اور مال مویشی بھی خطرات کی زد میں ہیں، اشتعال انگیزی کے نتائج بھارت کے حق میں بہتر نہیں ہوں گے، جماعة الدعوة تمام مذہبی و سیاسی جماعتوں کو ساتھ ملاکر جلسوں، کانفرنسوں اور اجتماعات کے ذریعے عوام الناس میں زبردست بیداری کی لہر پیدا کرے گا۔مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.