سندھ اسمبلی، حکومتی اور اپوزیشن ارکان کے درمیان ہنگامہ آرائی اور شورشرابہ
قائدحزب اختلاف اور وزیر بلدیات کے مابین سخت گرما گرمی دیکھنے میں آئی اور تلخ جملوں کا تبادلہ،ایک دوسرے پر چائنہ کٹنگ کے الزامات حکومت سندھ کراچی کے مئیر، ڈپٹی مئیر اور بلدیاتی کونسلوں کے چیئرمینوں کے اختیارات بھی اپنے پاس رکھنا چاہتی ہے ،خواجہ اظہار الحسن کا اظہار خیال
پیر 28 نومبر 2016 18:50
(جاری ہے)
پیر کو ایوان کی کارروائی کا ایجنڈا مکمل ہونے کے بعد قائد حزب اختلا ف خواجہ اظہار الحسن نے اپنے ایک پوائنٹ آف آرڈر پر کہا کہ انہیں وزیر اعلیٰ سندھ کی جانب سے جاری کردہ ایک نوٹیفیکیشن کی کا پی موصول ہوئی ہے جو 25اکتوبر 2016ء کو جاری کیا گیا تھا، اس میںکہا گیا ہے کہ کراچی میں باغات کا انتظام قومی اور کثیر القومی کمپنیاں چلائیں گی۔
خواجہ اظہار نے کہا کہ اتنا اہم فیصلہ کرنے سے قبل کے ایم سی اور ڈی ایم سیز کو اعتماد میں لئے بغیر کرلیا گیا جو نہ صرف بلدیاتی امور میں سندھ حکومت کی مداخلت ہے بلکہ یہاقدام ان کے اختیارات سلب کرنے کے بھی مترادف ہے۔قائد حزب اختلاف نے کہا کہ سندھ میں بلدیاتی ادارے تو 24اگست کو قائم ہوئے ہیں اس سے پہلے تو بلدیاتی اداروں کے اختیارات بھی سندھ حکومت کے پاس ہی تھے اس دوران باغات کی حالت سمیت دوسرے شہری مسائل کے حل کے سلسلے میں کون سی بہتری نظر آئی۔ انہوں نے کہا کہ حکومت سندھ کو چاہیے تھا کہ وہ منتخب بلدیاتی ٹیم کو اپنا پارٹ اینڈ پارسل بناتی لیکن بڑے افسوس کی بات ہے کہ وہ کراچی کے مئیر، ڈپٹی مئیر اور بلدیاتی کونسلوں کے چیئرمینوں کے اختیارات بھی اپنے پاس رکھنا چاہتی ہے جس سے بلدیاتی اداروں میں احساس محرومی پیدا ہورہا ہے ۔ اس موقع پر وزیر بلدیات جام خان شورو نے صورتحال کی وضاھت کرتے ہوئے کہا کہ حکومت سندھ خصوصاًٍ وزارت بلدیات نے ہمیشہ بلدیاتی اداروں کے ساتھ اشتراک عمل کے ساتھ تمام امور سرانجام دینے کی کوشش کی ہے اس حوالے سے انہوں نے سالٹ ویسٹ منصوبہ کا بھی ذکر کیا جس پر بلدیاتی قیادت کو اعتماد میں لیا جارہا ہے۔انہوں نے ایوان کو بتایا کہ باغات کی دیکھ بھال اور انتظام اپنے ذمہ لینے کے لئے حکومت سے مختلف کثیر القومی کمپنیاں اور این جی اوز رابطہ کرتی ہیں اگر کوئی بھی ملکی یا غیر ملکی ادارہ کسی تجارتی سرگرمی کے بغیر کسی پارک کا انتظام لینا چاہے تو اس میں اعتراض والی کیا بات ہے ۔ انہوں نے کہا کہ ماضی میں بھی بہت سے پارکس این جی اوز کو دیئے گئے تھے کیونکہ ان کی حالت خراب تھی ۔ ایم کیو ایم کے رکن اسمبلی سید سردار احمد نے کہا کہ پہلے سے یہ قانون موجود ہے کہ اگر کوئی کسی پارک کو ایڈاپ کرنا چاہے تو وہ کرسکتا ہے لیکن آپ تمام پارکس کا انتظام بلدیہ، ٹائون کمیٹیوں اور بلدیاتی اداروں سے لیکر دوسروں کو دیدیں اس کا کوئی جواز نہیں ہے ۔ سید سردار احمد نے کہا کہ حکومت سندھ جس طرح بلدیاتی اداروں کے اختیارات لے رہی ہے وہ جمہوریت نہیں ہے اور ہم اس اقدام کے خلاف عدالت میں جائیں گے ۔جس پر وزیر بلدیات جام خان شور و نے کہا کہ یہ جنرل پالیسی نہیں ہے ، اگر کوئی ادارہ یا این جی او کسی پارک کا انتظام چلانا چاہتی ہے تو اس پر اعتراض والی کیا بات ہے۔ جس پر خواجہ اظہار الحسن نے کہا کہ پارکوں کے لئے کروڑوں روپے کے فنڈز ہیں، پیپلز پارٹی کی حکومت نے گزشتہ چند سالوں کے دوران کراچی کے محترمہ بے نظیر بھٹو پارک کا کیا حشر کیا وہ بھی سب کے سامنے ہے یہ پارک برباد کردیا گیا جس پر جام خان شورو نے کہا کہ 2012میں تو تمام بلدیاتی ادارے اور پارک آپ کے پاس تھے اس وقت کیا ہوتا رہا ہے ۔ انہوں نے کہا کہ اس دور میں تمام پارکس پر قبضہ ہوچکا تھا اور وہاں چائنا کٹنگ بھی ہوتی رہی اور یہ کام کس پارٹی نے کیا سب کو علم ہے ۔ اس موقع پر خواجہ اظہار الحسن اور وزیر بلدیات کے درمیان تلخ جملوں کا تبادلہ ہوا اور ایوان کا ماحول خاصہ کشیدہ ہوگیا ۔ ایوان میں اس معاملے پر گرما گرمی جاری تھی کہ اسپیکر آغا سراج درانی اجلاس غیرمعینہ مدت کے لئے برخاست کرنے کا اعلان کردیا۔مزید اہم خبریں
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
-
چیف جسٹس کی سربراہی میں جو ڈیشل کمیشن کے رولز میں ترامیم کا اجلاس ملتوی بے نتیجہ ملتوی
-
جو قومیں ظلم کے خلاف کھڑی نہیں ہوتیں وہ ہمیشہ غلام رہتی ہیں
-
آزادی صحافت کا یونیسکو ایوارڈ فلسطینی صحافیوں کے نام
-
صدر آصف علی زرداری نے جسٹس شوکت عزیز صدیقی کی ریٹائرمنٹ کا نوٹیفکیشن جاری کرنے کی منظوری دیدی
-
چیئرمین سینیٹ سید یوسف رضا گیلانی کی پاکستان کے پہلے سیٹلائٹ مشن’آئی کیوب قمر‘ کی کامیاب لانچنگ پر قوم اور سائنسدانوں کو مبارکباد
-
وزیراعظم شہبازشریف کی چئیرمین ایف بی آر امجد زبیرٹوانہ کی سرزنش کی ، ایف بی آر کی کارکردگی میں ناکامی پرچئیرمین ایف بی آر کو وارننگ دیدی
-
ڈاکٹرخالد مقبول صدیقی کی پاکستان کے چاند پر بھیجے گئے کامیاب خلائی مشن پر قوم کی دلی مبارکباد اور پیغام
-
وزیراعظم کی چاند پر پاکستان کا پہلا سیٹلائٹ بھجوانے پر قوم اور سائنسدانوں کو مبارکباد
-
راجہ پرویزاشرف کا آئی ایم ایف پیکیج کی ممکنہ شرائط پر اظہار تشویش
-
ذرائع ابلاغ ریاست کا چوتھا ستون ہے ، ملک کے دشمن تشخص کو اجاگر کرنے میں ذرائع ابلاغ کا کردار کلیدی اہمیت کا حامل ہے ،سپیکر و ڈپٹی سپیکر
-
وزیراعظم کا شاہراہ قراقرم پر چلاس کے قریب بس حادثے میں قیمتی جانوں کے نقصان پر افسوس کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.