ابراہم ڈیویلیئرز انگلینڈ کیخلاف سیریز سے بھی دستبردار

بور ڈ حکام مرضی کے میچ دینے سے انکاری ، آئندہ سیزن میں کسی ایونٹ میں شرکت نہ کرنے کا فیصلہ

جمعرات 19 جنوری 2017 15:13

ْ جوہانسبرگ(اُردو پوائنٹ اخبارتازہ ترین - آن لائن۔ 19 جنوری2017ء)جنوبی افریقا کے اسٹار بیٹسمین ابراہم ڈیویلیئرز اور بورڈ حکام میں سب کچھ ٹھیک نہیں۔ انہوں نے نیوزی لینڈ کے بعد اب جولائی اگست میں دورئہ انگلینڈ اور سال کے آخرمیں بنگلہ دیش کے خلاف ہوم سیریز سے بھی معذرت کرلی ہے۔شاید وہ 2017کے پورے سال ہی شاید دستیاب نہ ہوں۔

(جاری ہے)

آئندہ سیزن میں آئی پی ایل کے علاوہ کسی اور ٹی ٹوئنٹی لیگ میں بھی شرکت نہیں کریں گے، تاہم آئندہ برس اپنے ملک میں بھارت اور آسٹریلیا کے خلاف ٹیسٹ میچز کھیلنے کا ارادہ ظاہر کیا ہے۔

ان کا کہنا ہے کہ دنیا بھر میں بہت زیادہ کرکٹ ہورہی ہے، البتہ میری ترجیحات تبدیل ہوچکی ہیں۔ کوشش کروں گا کہ آئندہ سیزن میں ڈومیسٹک کرکٹ کھیل کر بہت سے رنز بناکر خود کو ٹیسٹ ٹیم میں شمولیت کا اہل ثابت کروں۔دریں اثنا کرکٹ جنوبی افریقہ کے چیف ایگزیکٹو ہارون لورگاٹ کا کہنا ہے کہ ڈی ویلیئرز کو ازخود میچوں کے انتخاب کی اجازت نہیں دے سکتے۔ ان پر واضح کردیا ہے کہ فٹ ہوجانے کے بعد انہیں مسلسل کھیلنا ہوگا۔

Facebook Twitter Google + Share on Whatsapp

ابراہم ڈیویلیئرز انگلینڈ کیخلاف سیریز سے بھی دستبردار

بور ڈ حکام مرضی کے میچ دینے سے انکاری ، آئندہ سیزن میں کسی ایونٹ میں شرکت نہ کرنے کا فیصلہ

مزید کھیلوں کی خبریں