ایشیاء کپ: پاک بھارت میچ کے لیے جعلی ٹکٹ ہزاروں درہم میں فروخت ہونے لگے

ٹورنامنٹ میں پاکستان اور بھارت کے درمیان میچ 14 ستمبر کو کھیلا جائے گا

ذیشان مہتاب بدھ 6 اگست 2025 11:42

ایشیاء کپ: پاک بھارت میچ کے لیے جعلی ٹکٹ ہزاروں درہم میں فروخت ہونے ..

دبئی (اردو پوائنٹ تازہ ترین اخبار ۔ 6 اگست 2025ء ) ایشیاء کپ 2025ء میں پاک بھارت میچ کے جعلی ٹکٹ 11 ہزار درہم میں فروخت ہونے لگے ہیں۔

آئندہ ماہ یو اے ای میں شیڈول ایشیائی ایونٹ کی ٹکٹوں کا باضابطہ اعلان تو ابھی تک نہیں ہوا، مگر یو اے ای میں جعلی ٹکٹوں کی فروخت زور پکڑ گئی۔

ایک خلیجی اخبار کے مطابق گوگل پر تلاش کرنے پر متعدد مشتبہ ویب سائٹس سامنے آئیں، ان میں ایک نے وی آئی پی پاس 11 ہزار درہم میں فروخت کے لیے پیش کیا جب کہ عام ٹکٹ 1500 درہم سے زائد قیمت پر بیچے جا رہے ہیں۔

(جاری ہے)

یاد رہے کہ پاکستان اور بھارت کے درمیان میچ 14 ستمبر کو کھیلا جائے گا جس کے لیے شائقین بے چینی سے ٹکٹوں کا انتظار کر رہے ہیں۔

حکام نے خبردار کیا کہ جعلی ویب سائٹس سے ہوشیار رہیں اور صرف آفیشل ذرائع سے ہی ٹکٹ خریدیں۔ عوام کو مشورہ دیا گیا ہے کہ دھوکے بازی سے بچنے کے لیے مشتبہ لنکس سے پرہیز کریں۔