ڈیرہ اسماعیل خان، سیکورٹی فورسز سے جھڑپ میں 3 مطلوب دہشتگرد مارے گئے

دہشتگردوں کی شناخت مقبول، شفیع اورسعد کے نام سے ہوئی ، مقبول کی گرفتاری کیلئے 10 لاکھ روپے انعام مقرر کیا تھا، پولیس

ہفتہ 18 فروری 2017 11:41

ڈیرہ اسماعیل خان، سیکورٹی فورسز سے جھڑپ میں 3 مطلوب دہشتگرد مارے گئے

ڈیرہ اسماعیل خان (اُردو پوائنٹ اخبارتازہ ترین - آئی این پی۔ 18 فروری2017ء) ڈیرہ اسماعیل خان میں مڈی روڈ پر سیکورٹی فورسز سے جھڑپ کے دوران 3 مطلوب دہشتگرد مارے گئے۔ ڈیرہ اسماعیل خان میں مڈی روڈ پرسیکیورٹی فورسز نے ناکے پر ایک گاڑی کو روکنے کی کوشش کی تو ملزمان نے رکنے کے بجائے فائرنگ کر دی، سیکورٹی فورسز کی جوابی کارروائی میں 3 حملہ آور ہلاک ہو گئے۔

تینوں ہلاک دہشت گردوں کی لاشوں کو قانونی کارروائی کے لئے کلاچی ہسپتال منتقل کردیا گیا۔

(جاری ہے)

پولیس کے مطابق مقابلے میں ہلاک ہونے والے دہشت گردوں کی شناخت مقبول، شفیع اورسعد کے نام سے ہوئی ، ہلاک ہونے والے حملہ آور متعدد کارروائیوں میں پولیس کو مطلوب تھے جبکہ صوبائی حکومت نے مقبول نامی ملزم کی گرفتاری کے لئے 10 لاکھ روپے انعام مقررکر رکھا تھا۔ واضح رہے کہ 2 روز قبل درگاہ لعل شہباز قلندرمیں ہونے والے خودکش حملے میں 88 افراد جاں بحق اور 200 سے زائد زخمی ہیں جبکہ حملے کے بعد وزیراعظم اور آرمی چیف نے دہشت گردوں کے خلاف سخت ایکشن لینے کے احکامات جاری کیے تھے۔