چین تائیوان تجارت میں اضافہ

دونوں ممالک نے جنوری میں 13.6بلین امریکی ڈالر کی تجارت کی

پیر 27 مارچ 2017 14:46

بیجنگ(اُردو پوائنٹ اخبارتازہ ترین - آئی این پی۔ 27 مارچ2017ء) چین اور تائیوان نے سال رواں کے پہلے مہینے میں 13.6بلین امریکی ڈالر مالیت کی تجارت کی ۔ وزارت تجارت کے مطابق یہ سالانہ 3.6فیصد زیادہ ہے ۔

(جاری ہے)

جنوری میں چین سے تائیوان کو برآمدات کی مجموعی مالیت3.3 بلین امریکی ڈالر رہی جو کہ سالانہ2.4فیصد کم ہے جبکہ تائیوان سے درآمدات کی مالیت 10.3بلین ڈالر رہی جو کہ 6.1فیصد زیادہ ہے ۔ تائیوان چین کا ساتواں سب سے بڑا تجارتی پارٹنر اور پانچواں سب سے درآمدی ذریعہ ہے ۔ جنوری میں تائیوان سے چین کو اصل سرمایہ کاری 13.7فیصد کی کمی سے 170ملین امریکی ڈالر ہوگئی ۔