عالمی عدالت انصاف میں کلبھوشن کیس سے متعلق فیصلہ غلط ہوا ‘ آئی سی جے میں جانا ہی نہیں چاہیے تھا ‘ کسی کو حق نہیں کہ ہماری قومی سلامتی پر رائے دے ‘ عالمی سطح پر جس کی مرضی ہوتی ہے آئی سی جے کا فیصلہ مان لیتا ہے اور جس کی مرضی نہ ہو وہ نہیں مانتا‘ پاکستانی طیارہ گرانے کے معاملے پر بھار ت آئی سی جے میں نہیں آیا تھا ‘ عالمی عدالت انصاف میں بھارتی لابی چلتی ہے
آل پاکستان مسلم لیگ کے سربراہ پرویز مشرف کا نجی ٹی وی کو انٹرویو
جمعہ 19 مئی 2017 22:41
(جاری ہے)
انہوں نے کہاکہ کسی کو حق نہیں ہے کہ وہ ہماری قومی سلامتی کے معاملہ پر رائے دے۔ پرویز مشرف نے کہا کہ اگر ایسے مجرم بچائے جا سکتے ہیں تو پھر ہمیں بھی اجمل قصاب کا کیس عالمی عدالت میں لے کر جانا چاہیے تھا۔
کلبھوشن تو دہشت گردوں کے نیٹ ورک کو دیکھ رہا تھا۔ عالمی عدالت انصاف پر جس کی مرضی ہوتی ہے وہ آئی سی جے کا فیصلہ مان لیتا ہے ایسی مثالیں موجود ہیں کہ عالمی عدالت کے فیصلوں سے انکار کیا گیا۔ سابق صدر نے کہا کہ پاکستانی طیارہ گرانے کے معاملے پر بھارت آئی سی جے میں نہیں آیا تھا۔ کلبھوشن یادیو کا معاملہ قو می سلامتی کا ہے مداخلت برداشت نہیں کرنی چاہیے۔ پرویز مشرف نے کہا کہ آئی سی جے جیسی جگہوں پر بھارتی لابی وغیرہ بھی چلتی ہے۔ کلبھوشن کا کورٹ مارشل ہوا ہے یہ ہمارا داخلی معاملہ ہے۔ بھارت بلوچستان میں دہشت گردی کروا رہا ہے۔ انہوں نے کہاکہ جندال پاکستان آیا تھا تو ملاقات مری میں نہیں اسلام آباد میں ہی کرنی چاہیے تھی۔ اگر جندال آپ کا ذاتی دوست ہے تو ذاتی سطح پر ملاقات کی جائے۔ ان کی مری میں ملاقات کی وضاحت ہونی چاہیے کیونکہ اس ملاقات پر کنفیوژن موجود ہے۔ جندال سے ٹیلیفون پر بھی بات ہو سکتی تھی۔ انہوں نے کہا کہ میں نے واجپائی سے ہاتھ سیاسی بریک تھرو کیلئے ملایا تھا۔ بھارت کی جانب سے ایک طرف ملاقاتیں کی جاتی ہیں اور دوسری طرف اشتعال انگیزی کرتے ہیں۔ ڈان لیکس کے معاملے پر آرمی چیف نے پاک فوج کی عزت کا مکمل خیال رکھا ہو گا۔ اس معاملے پر لو اور دو کا معاملہ ہوا ہے تو بتایا نہیں گیا کہ فوج کو کیاملا۔ پرویز مشرف نے کہا کہ مسلم لیگ(ن) آئندہ انتخابات میں بھی دھاندلی کی کوشش کرے گی۔ پاک فوج کی سرپرستی میں انتخابات ہونے چاہئیں ورنہ سندھ میں پی پی اور پنجاب میں مسلم لیگ (ن) پھر سے کامیاب ہو جائیں گے۔ …(رانا)متعلقہ عنوان :
مزید اہم خبریں
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
-
غزہ سیز فائر مذاکرات، مصری وفد اسرائیل میں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.