پاناما کیس میں جے آئی ٹی کی تحقیقات شفاف ہونی چاہئیں ،ْمریم اور نگزیب

حسین نواز کا جے آئی ٹی کے سامنے پیش ہونا تاریخ رقم ہونے جیسا ہے ،ْ میڈیا سے گفتگو

اتوار 28 مئی 2017 15:11

اسلام آباد(اُردو پوائنٹ اخبارتازہ ترین - این این آئی۔ 28 مئی2017ء) وزیر مملکت برائے اطلاعات مریم اورنگزیب نے کہا ہے کہ پاناما کیس میں جے آئی ٹی کی تحقیقات شفاف ہونی چاہئیں ،ْحسین نواز کا جے آئی ٹی کے سامنے پیش ہونا تاریخ رقم ہونے جیسا ہے۔

(جاری ہے)

نجی ٹی وی سے گفتگو کرتے ہوئے مریم اورنگزیب نے کہاکہ حسین نواز کو گزشتہ روز جے آئی ٹی میں پیش ہونے کا نوٹس ملا اور وہ پیش ہو گئے ان کا یہ اقدام تاریخ رقم ہونے جیسا ہے جس طرح نواز شریف نے تمام آئینی و قانونی حق ادا کیے بالکل اسی طرح حسین نواز بھی جے آئی ٹی میں 2 لوگوں پراعتراضات کے باوجود بھی پیش ہوئے۔

انہوںنے کہاکہ جے آئی ٹی کی تحقیقات شفاف ہونی چاہئیں، حسین نوازکی جانب سے جن لوگوں پر اعتراضات اٹھائے گئے ہیں ،ْ سب جانتے ہیں کہ وہ کیسے ہیں تاہم ہم ان پر سیاست نہیں کرنا چاہتے ،ْفیصلہ تو اب سپریم کورٹ کے ہاتھ میں ہے۔ مریم اورنگزیب نے کہا کہ جے آئی ٹی بنانے کیلئے وزیراعظم نے پہلے ہی خط لکھاتھا ،ْ شریف خاندان کسی بھی قانونی مسئلے پر سیاست نہیں کرناچاہتا۔