مجھے علم نہیں نوازشریف کیا کرنا چاہتے ہیں ڈرامہ رچا کر اپنے جرم چھپانا چاہتے ہیں ،ْ بلاول بھٹو زر داری

اتوار 13 اگست 2017 19:20

چنیوٹ(اُردو پوائنٹ اخبارتازہ ترین - این این آئی۔ 13 اگست2017ء) پیپلزپارٹی کے چیئر مین بلاول بھٹو زرداری نے کہاہے کہ مجھے علم نہیں نوازشریف کیا کرنا چاہتے ہیں لیکن وہ ڈرامہ رچا کر اپنے جرم چھپانا چاہتے ہیں۔

(جاری ہے)

چنیوٹ میں میڈیا سے بات کرتے ہوئے بلاول بھٹو زرداری نے کہاکہ ملک میں گزشتہ 4 برس سے نیشنل ایکشن پلان پر کوئی عملدرآمد نہیں ہوا جس کی وجہ حکومت کی ناقص پالیسیاں اور غلط افراد کا چناؤ ہے اللہ کا شکر ہے کہ چوہدری نثار نے وزارت داخلہ کو خیر باد کہا۔

چیئرمین پیپلزپارٹی بلاول بھٹو زر داری نے کہاکہ نوازشریف جب سے اپنے عہدے سے برطرف ہوئے انہیں پارلیمنٹ کی یاد آرہی ہے اور وہ حکومت میں رہ کر بھی اپوزیشن کرنا چاہتے ہیں، مجھے پتا نہیں وہ کیا چاہتے ہیں لیکن اتنا ضرور ہے کہ وہ ڈراما رچا کر اپنا جرم چھپانے کی کوشش میں ہیں۔