کراچی کی مقامی عدالت میں پولیس افسران کا گٹکا چوری کیس میں چالان پیش کردیا گیا

جمعرات 2 نومبر 2017 17:00

کراچی (اُردو پوائنٹ اخبارتازہ ترین - این این آئی۔ 02 نومبر2017ء) کراچی کی مقامی عدالت میں پولیس افسران کا گٹکا چوری کیس میں چالان پیش کردیا گیا ہے ۔

(جاری ہے)

جمعرات کو کراچی کی مقامی عدالت میں پولیس اہلکاروں کے خلاف گٹکا چوری کیس کی سماعت ہوئی جہاں پولیس نے دو پولیس افسران کے خلاف مقدمہ کا چالان عدالت میں پیش کردیا،عدالت نے چالان منظور کرتے ہوے پولیس افسران، محمد اکرم اور خادم حسین کو طلب کرلیا،چالان میں کہا گیا ہے کہ تھانہ مومن آباد پولیس نے بھاری مقدار میں گٹکا بنانے والا سامان برآمد کیا، ملزمان نے سامان فروخت کرنے کی نیت سے ڈی پی او اورنگی کے دفتر سے متصل کمرے میں منتقل کیا، ڈی پی او کی تحقیقات کے بعد دونوں پولیس افسران کے خلاف مقدمہ درج کیا گیا،ملزمان کے خلاف مال مقدماتی کو منتقل کرنے اور چوری کرنے کا جرم ثابت ہے، مقدمہ میں 6 پولیس افسران و اہلکار گواہ ہیں، عدالت نے چالان منظور کرتے ہوے سماعت 4 نومبر تک ملتوی کردی۔