معروف اینکر پرسن منصور علی خان نے میڈیا میں خواتین کے جنسی طور پر ہراساں ہونے کا اعتراف کر لیا

میڈیا میں خواتین اینکر کو جنسی طور پرہراساں کیا جاتا ہے، میں نے کئی مرتبہ انتظامیہ کو رپورٹ بھی کی۔ منصور علی خان

سمیرا فقیرحسین منگل 7 نومبر 2017 14:44

اسلام آباد (اُردو پوائنٹ تازہ ترین اخبار۔ 07 نومبر 2017ء): فلم ، ٹی وی اور میڈیا انڈسٹری میں خواتین کو ہراساں کیے جانے کے اکثر ہی کیسز سامنے آتے ہیں لیکن مجال ہے کہ اس معاملے پر کبھی کسی مرد اینکر یا صحافی نے بات کی ہو۔ دو روز قبل معروف ٹی وی اینکر منصور علی خان نے مائیکروبلاگنگ ویب سائٹ پر اپنے پیغام میں میڈیا انڈسٹری میں خواتین کو جنسی طور پر ہراساں کیے جانے کا اعتراف کر لیا۔

(جاری ہے)

اپنے ٹویٹ میں منصور علی خان کا کہنا تھا کہ میڈیا میں ایک ٹاپ ٹی وی چینل میں کام کرنے والا ایک شخص خواتین اینکرز کی چھُٹی اس وقت تک منظور نہیں کرتا جب تک خواتین اینکرز دس سے پندرہ منٹ کے لیے اس کے پاس بیٹھ نہ جائیں۔

There is a guy working in a top channel who wouldn’t approve female news anchors’ vacations until they didn’t sit with him for 10-15 mins https://t.co/AQbbs9fYkd
— Mansoor Ali Khan (@_Mansoor_Ali) November 4, 2017

ان کا کہنا تھا کہ میں نے اس شخص کا نام اس لیے نہیں لیا کیونکہ میں نے متاثرہ خاتون سے اجازت طلب نہیں کی۔

The reason I’ve not named the guy is that I won’t do it without the victims’ permission. #Ethics https://t.co/uN4qbWNxdy
— Mansoor Ali Khan (@_Mansoor_Ali) November 5, 2017

اس شخص سے متعلق میں نے چینل کی انتظامیہ کو بھی آگاہ کیا لیکن وہ شخص تاحال اسی چینل میں کام کر رہا ہے۔

I did report that guy to the management though, FYI he is still working in the same channel. https://t.co/uN4qbWNxdy
— Mansoor Ali Khan (@_Mansoor_Ali) November 5, 2017