حکومت پنجاب (پاکستان) کے سوشل میڈیا پر پیغام نے حکومت پنجاب(بھارت) کے ضمیر کو جھنجھوڑ دیا

جبکہ حکومت پنجاب کی جانب سے صوبے میں متعارف کروائے گئے سموگ سے نمٹنے کیلئے جامع درمیانی مدت اور طویل المدت منصوبہ بندی کی گونج سرحد پاربھارتی پنجاب میں سُنائی دینے لگی ہے ۔ تفصیلات کے مطابق 8نومبرکی شب 10:59pm سماجی رابطہ کی ویب سائیٹ ٹوئیٹ پر حکومت پنجاب کی جانب سے جاری کردہ پیغام میں بھارتی پنجاب کے وزیراعلیٰ کیپٹن امریندرسنگھ کو مخاطب کرتے ہوئے کہاگیا تھا کہ’’ ہم پنجاب(پاکستان) میں فصلوں کی باقیات(سٹبل) کو جلانے پر پابندی عائد کرچکے ہیں اور اُمید کرتے ہیں کہ آپ بھی ایسے اقدامات کریں گے،جبکہ اس پیغام میں سموگ سے نمٹنے کیلئے درمیانی مدت اور طویل المدت پلان کی تفصیلات بھی شیئر کرتے ہوئے کہا گیاکہ سموگ ماحول اور ہماری عوام کے لئے خطرہ ہے ،آئیے ہم اس کا مقابلہ کرنے کے لئے تیزی سے کام کریں۔

‘‘حکومت پنجاب کے اِس پیغام کو سوشل میڈیا پر بہت پذیرائی حاصل ہوئی ہے ۔بھارتی عوام بھی اِس موقع پر فراخ دلی کا مظاہر ہ کرتے ہوئے حکومت پنجاب(پاکستان) کے اقدامات کو قابل تحسین قرار دیتے ہوئے اپنی حکومت سے اپیل کی ہے کہ وہ بھی پنجاب(پاکستان) کے قابل تعریف اقدامات کی تقلید کرتے ہوئے بھارتی عوام کو سموگ سے چھٹکارا دلائیں۔بھارت سے فراز لکھتے ہیں کہ حکومت پنجاب (پاکستان) کا یہ اقدام یقیناًزبردست ہے۔

ایمب کہتے ہیں کہ سموگ کے خاتمے کیلئے پاک انڈیا ٹوئیٹر ڈپلومیسی،پہلے کبھی نہیں دیکھی گئی، اُمید ہے کہ یہ اثرانداز بھی ہوگی۔ایویناش کا کہنا ہے کہ دیکھیئے ہمارا ہمسایہ کتنا خیال کرتا ہے۔چومسکے نہ کہا ہے کہ جب پاکستان آلودگی سے نمٹنے کیلئے تیار ہے اور توپھر بھارت؟۔فرحان نے اسے بہترین ٹوئیٹ قراردیا ہے ۔ پارل میتل بھڑاس نکالتے ہوئے لکھتے ہیں کہ ہمارے پنجاب کو بھی ایک مثال قائم کرنی چاہیے بجائے اسکے کہ صرف باتیں کریں۔

چیتیال کے سیٹھی نے بھی اِس پیغام کو خوش آئندقراردیا ہے ۔سرحد پار بھارت کی جانب سے عوام کا ایک طرف تو حکومت پنجاب(پاکستان) کے اقدامات کو پسند کیا جا رہا ہے اور دوسری جانب اپنی حکومت کو بھی تنقید کا نشانہ بنایا جا رہا ہے ۔ واضح رہے کہ اس وقت پورا شمالی بھارت گہری کہر اور اسموگ یعنی دھند کی لپیٹ میں ہے جس کی وجہ سے معمولات زندگی متا ثر ہوئے ہیں۔

دارالحکومت دہلی ، اس کے مضافاتی علاقے، ہریانہ اور پنجاب بری طرح متاثر ہیں۔بھارتی ٹی وی کے مطابق محکمہ ریلوے کے ایک سینیر اہل کارنے بتایاکہ 120 ٹرینوں کے اوقات میں تبدیلی کی گئی ہے اور 94 ٹرینیں تاخیر سے چل رہی ہیں۔ متعدد ٹرینیں منسوخ کر دی گئی۔علی گڑھ میں صبح کے وقت سموگ کے باعث ایک ٹریفک میں دو افراد ہلاک اور متعدد زخمی ہو گئے۔

جبکہ متھرا میں 150 گاڑیاں آپس میں ٹکرا گئیں جس کے نتیجے میں تین درجن افراد زخمی ہوئے۔ جن میں سے نصف درجن کی حالت نازک بتائی جا رہی ہے۔

Pakistan
Punjab gives suggestions to India Punjab to curb #StubbleBurning . #DelhiSmog https://t.co/y19LueFpyA

— Chitleen K Sethi (@ChitleenKSethi) November 9, 2017

Ouch ouch ouch!https://t.co/aBmyJAs0c2

— Mihir Shah (@elmihiro) November 9, 2017

🙏👏👏👏😎 https://t.co/QqOtgCi3EA

— सूजेंद्र (@sujendras) November 9, 2017

@capt_amarinder - Lets our Punjab set an example too instead of passing the buck to center! #smogindelhi #smog #StubbleBurning https://t.co/IdZBkifVvc

— Parul Mittal (@parulmittal18) November 9, 2017

When Pakistan is more prepared to deal with pollution than India. https://t.co/IP7YSBvoP3

— Indian Chomsky (@IndianChomsky) November 9, 2017

Look!!our neighbours care too!! #smogindelhi https://t.co/PHWl6FZa38

— avinashnagadi (@avinashnagadi) November 9, 2017

Wow! Indo Pak Twitter diplomacy to solve the smog problem ! Not seen this before. Hope it works ! @punitgoenka @rajcheerfull @Sudhanshu_Vats https://t.co/vBHVKmNRsI

— ambimgp (@ambimgp) November 9, 2017

That’s really generous and awesome https://t.co/uaAxJ7CVvG

— firas (@firasifsa) November 9, 2017