مولانا طارق جمیل کے اسٹیج پر آتے ہی نوجوان ان سے لپٹ گیا

سمیرا فقیرحسین پیر 25 دسمبر 2017 12:37

ٹورنٹو (اُردو پوائنٹ تازہ ترین اخبار۔ 25 دسمبر 2017ء) : معروف مذہبی اسکالر مولانا طارق جمیل کو پاکستان سمیت دنیا بھر میں جانا جاتا ہے ۔ مولانا طارق جمیل کی شخصیت ایسی ہےکہ جو بھی ان سے ملاقات کر لے ان سے متاثر ہوئے بغیر نہیں رہ سکتا۔ مولانا طارق جمیل دنیا بھر میں بیانات دینے کے لیے جاتے ہیں جہاں مسلمان ان کے خطبات سے مستفید ہوتے ہیں ، ایسی ہی ایک اسلامی تقریب کینیڈا کے شہر ٹورنٹو میں بھی منعقد ہوئی۔

پروگرام کے میزبان نے مولانا طارق جمیل کو اسٹیج پر دعوت دی ۔

(جاری ہے)

مذہبی اسکالر اسٹیج پر پہنچے ہی تھی کہ حاضرین میں سے ایک شخص روتا ہوا مولانا صاحب کے پاس آیا اور پہلے ان کے قدموں میں گرا، پھر ہاتھ چومے اور آبدیدہ ہو کر سینے سے لگ گیا ۔ مولانا طارق جمیل نے اس شخص کو گلے سے لگایا۔ مذکورہ شخص نے مولانا صاحب نے کہا کہ میں آپ کا بہت بڑا مداح ہوں ، میں آپ سے بےحد پیار کرتا ہوں آپ میرے لیے دعا کیجئیے ۔ اس پر مولانا طارق جمیل نے اپنی شفقت بھری مُکسراہٹ کے ساتھ ''انشاء اللہ'' کہا۔ جس کے بعد سکیورٹی اہلکار اس شخص کو اسٹیج سے نیچے لے گئے ۔ یہ ویڈیو سوشل میڈیا پر بھی وائرل ہوئی۔ اس ویڈیو کو آپ بھی ملاحظہ کیجئیے:

Facebook Twitter Google + Share on Whatsapp

مولانا طارق جمیل کے اسٹیج پر آتے ہی نوجوان ان سے لپٹ گیا

متعلقہ عنوان :

مزید اہم خبریں