پاک بحریہ کے جہازوں پی این ایس نصر اور پی این ایس خیبر کا کینیا اور تنزانیہ کا دورہ
تنزانیہ نیوی کے آفیسرز و سیلرز نے تنزانیہ میں تعینات پاکستان کے نیول اینڈ ایئر ایڈوائز اور پاکستانی ہائی کمیشن کے دیگر عہدیداران کے ہمراہ پی این ایس خیبر کو خوش آمدید کہا دورے کا مقصد مشرقی افریقہ کے دوست ممالک اور پاکستان کے مابین دوستانہ تعلقات کو مزید بہتر بنانا، حکومتِ پاکستان کی خارجہ پالیسی کے مقاصد کے حصول میں کردار ادا کرنا ہے
جمعہ 26 جنوری 2018 20:53
(جاری ہے)
تنزانیہ آمد کے موقع پر تنزانیہ کی نیوی نے اپنا بحری جہاز ٹیمبو(TEMBO)تنزانیہ کے پانیوں میں بھیج کر پی این ایس خیبر کا خیر مقدم کیا۔
پی این ایس خیبر لنگر انداز ہونے پر تنزانیہ نیوی کے آفیسرز و سیلرز نے تنزانیہ میں تعینات پاکستان کے نیول اینڈ ایئر ایڈوائز اور پاکستانی ہائی کمیشن کے دیگر عہدیداران کے ہمراہ پی این ایس خیبر کو خوش آمدید کہا۔کینیانیوی کے دستے نے روایتی میزبانی کے انداز میں پی این ایس نصر کا استقبال کیا۔جنوبی افریقہ میں تعینات پاکستان کے دفاعی مشیراور پاکستان ہائی کمیشن نیروبی کا عملہ بھی اس موقع پر موجود تھا۔ممباسا بندرگاہ میں قیام کے دوران پاک بحریہ کے مشن کمانڈر، کموڈور جاوید اقبال نے پی این ایس نصرکے کمانڈنگ آفیسرکے ہمراہ کمانڈر کینیا نیوی بیس مٹونگوے (MTONGWE)بریگیڈیئر وی ایل نائیشو(Naisho)، ممباسا کے گورنر جناب حسن علی جوہواور ممباسا کے کنٹری کمشنر جناب ایون اچوکی (Evan Achoki)سے ملاقاتیں کیں ۔پی این ایس خیبر کے کمانڈنگ آفیسر نے تنزانیہ کے مختلف اعلیٰ حکام سے ملاقاتیں کیں۔ ان حکام میں تنزانیہ پیپل ڈیفنس فورسز کے چیف ، جنرل کیویو (Kivuyo)، کمانڈر تنزانیہ نیوی ،ریئر ایڈمرل رچرڈ متایوبا(Richard Matayoba)اور تنزانیہ پیپل ڈیفنس فورسز کے نگران چیف آف آپریشنز اینڈ ٹریننگ، بریگیڈیئر جنرل ایچ ایس کمندے (H S Kamunde)شامل تھے۔ان ملاقاتوں کے دوران دونوں ممالک کی شخصیات نے عالمی پانیوں میں دہشت گردی اور بحری قزاقی کی روک تھام کے سلسلے میں کئے جانے والے آپریشنز میں مسلسل شرکت کے ذریعے خطے میں امن و استحکام کے قیام میں پاک بحریہ کے کردار کی تعریف کی۔خیر خواہی کے روایتی جذبات کے اظہار کے طور پر پاک بحریہ کے دونوں جہازوں کے عملے نے دورہ کرنے والی بندرگاہوں پر خیراتی سرگرمیوں کا انعقاد بھی کیا۔پی این ایس خیبر کے آفیسرز اور سی پی اوز/سیلرز نے کیگمبونی کمیونٹی آرفنج اور کیگمبونی ہیلتھ سنٹر کا دورہ کر کے خوردی اشیاء اور تحائف تقسیم کئے۔پی این ایس نصر کے آفیسرز اور سی پی اوز/سیلرز نے نور آرفنج اور لٹل سسٹرزآف دی پوئرز کا دورہ کیا اور اشیاء خودو نوش ، سکول بیگز اور اسٹیشنری پر مشتمل تحائف تقسیم کئے۔روانگی سے قبل کراچی میں تیار کئے گئے ادویات کے ڈبے بھی مقامی شہری حکومت کے نمائندگان کے حوالے کئے گئے۔بندرگاہوں کے قیام کے دوران دونوں جہازوں پر ضیافتوںکا اہتمام کیا گیا جن میں مختلف ممالک کے سفراء، دفاعی حکام اور اہم پاکستانی شخصیات نے شرکت کی۔ پاک بحریہ کے جہازوں کا یہ دورہ دونوں ممالک کے مابین موجود تعلقات کویقینا مزید مضبوط بنانے کا باعث ہو گا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.