تھرلر فلم ’’اِن ڈارکنیس‘‘ کا پہلا ٹریلر جاری کردیاگیا

سنسنی خیز مناظر سے بھرپور یہ فلم 25مئی کو سینما گھروں کی زینت بنے گی

پیر 16 اپریل 2018 11:55

تھرلر فلم ’’اِن ڈارکنیس‘‘ کا پہلا ٹریلر جاری کردیاگیا

لندن (اُردو پوائنٹ اخبارتازہ ترین - این این آئی۔ 16 اپریل2018ء) برٹش تھرلر ڈرامہ فلم’ ان ڈارکنیس‘کا پہلا ٹریلر جاری کردیا گیا ہے۔اینتھونی بیرن کی ہدایت کاری میں بننے والی اس فلم کی کہانی پیانو بجانے والی بینائی سے محروم ایک ایسی خاتون کے گرد گھوم رہی ہے جو ایک قتل کے واقعے کے بعد انڈر ورلڈکا رخ کرلیتی ہے۔

(جاری ہے)

فلم کی کاسٹ میں نتالے ڈورمر، نیل میسکل، جیمز کوسمو، ایڈ اسکرین اور ایمیلی رتاجکوسکی سمیت دیگر اداکار شامل ہیں۔رورے ایٹکن اور اینتھونی بیرن کی مشترکہ پروڈیوس کردہ سنسنی خیز مناظر سے بھرپور یہ فلم 25مئی کو سینما گھروں کی زینت بنے گی۔