فنچ نے آسٹریلین ٹیم کی قیادت میں دلچسپی ظاہر کردی

اگر موقع ملا تو میں ٹیم کی قیادت کرنا پسند کروں گا ،ْ انٹرویو

پیر 16 اپریل 2018 13:31

سڈنی (اُردو پوائنٹ اخبارتازہ ترین - این این آئی۔ 16 اپریل2018ء) بال ٹیمپرنگ اسکینڈل میں ملوث ہونے پر پابندی کا شکار اسٹیون اسمتھ اور ڈیوڈ وارنر پر پابندی کے بعد آسٹریلین کرکٹ ٹیم قیادت کے بحران سے دوچار ہے اور ایسے میں تجربہ کار بلے باز ایرون فنچ نے ٹیم کی قیادت سنبھالنے کیلئے اپنی دستیابی ظاہر کردی۔بال ٹیمپرنگ اسکینڈل میں ملوث ہونے پر اسٹیون اسمتھ اور ڈیوڈ وارنر پر ایک سال کی پابندی عائد کردی گئی تھی جبکہ اس کے ساتھ ساتھ اسٹیون اسمتھ 2 سال تک قیادت نہیں کر سکیں گے جبکہ ڈیوڈ وارنر قیادت کے لیے ہمیشہ کے لیے نااہل قرار دے دئیے گئے تھے۔

جنوبی افریقہ کے خلاف سیریز کے دوران ٹم پین کو آسٹریلین ٹیم کی قیادت سونپ دی گئی تھی تاہم اب آسٹریلین کرکٹ حکام ٹیم کے مستقل قائد کے حوالے سے مشاورت میں مصروف ہیں۔

(جاری ہے)

ٹیسٹ کرکٹ میں تو شاید ٹم پین ہی ٹیم کی قیادت کریں لیکن ون ڈے ٹیم کی قیادت آسٹریلین حکام کا اصل مسئلہ ہے کیونکہ اگلے سال کرکٹ ورلڈ کپ 2019 میں آسٹریلیا کو اپنے اعزاز کا دفاع کرنا ہے۔

ایرون فنچ نے ٹیم کی قیادت میں دلچسپی کا اظہار کرتے ہوئے کہا کہ میں نے ابھی تک اس بارے میں تو نہیں سوچا لیکن میں بالکل قیادت کے لیے اپنا ہاتھ کھڑا کروں گا۔ یہ ہمارے لیے مشکل وقت ہے لیکن اگر موقع ملا تو میں ٹیم کی قیادت کرنا پسند کروں گا۔ایرون فنچ کو اس سے قبل 2014 میں آسٹریلیا کی ٹی20 ٹیم کا قائد مقرر کیا گیا تھا تاہم آسٹریلیا نے تینوں فارمیٹس میں ٹیم کی قیادت ایک ہی کپتان کو سونپتے ہوئے چھ ٹی20 میچز کے بعد ہی اسٹیون اسمتھ کو ون ڈے اور ٹیسٹ کے ساتھ ساتھ ٹی20 ٹیم کا بھی قائد مقرر کردیا تھا۔

Facebook Twitter Google + Share on Whatsapp

فنچ نے آسٹریلین ٹیم کی قیادت میں دلچسپی ظاہر کردی

اگر موقع ملا تو میں ٹیم کی قیادت کرنا پسند کروں گا ،ْ انٹرویو

مزید کھیلوں کی خبریں