وزیر اعظم کے مشیر سردار مہتاب احمد خان کی پی آئی اے انجینئرنگ ملازمین کو 10فیصد اضافی الائونس کے اجراء کی یقین دہانی

پیر 16 اپریل 2018 19:19

اسلام آباد ۔ (اُردو پوائنٹ اخبارتازہ ترین - اے پی پی۔ 16 اپریل2018ء) وزیر اعظم کے مشیر برائے ہوا بازی سردار مہتاب احمد خان نے پی آئی اے بورڈ کے آئندہ اجلاس میں منظوری حاصل کر کے پی آئی اے انجینئرنگ ملازمین کو 10فیصد اضافی الائونس کے اجراء کی یقین دہانی کر دی ۔ وہ پیر کوپی آئی اے ایئر لیگ کے مرکزی صد ر شمیم اکمل کی سربراہی میںملاقات کرنے والے وفد سے گفتگو کر رہے تھے ۔

اس موقع پر پی آئی اے ایئرلیگ اسلام آباد کے صدر عثمان خان بھی موجودہ تھے۔ ملاقات کے دوران وفد نے مشیر کو پی آئی اے کے ملازمین کو درپیش مسائل اور ان کے حل کے حوالے سے مختلف تجاویز پیش کیں۔ مشیر ہوابازی سردار مہتاب احمد خان نے وفد کی معروضات غور سے سنیں اور انکے جلد حل کیلئے اپنی جانب سے ہر ممکن تعاون کا یقین دلایا۔

(جاری ہے)

مشیر برائے ہوابازی نے وفد کو پی آئی اے انجینئرنگ ملازمین کو 10 فیصد اضافی الائونس دینے کی یقین دہانی کرائی۔

سر دار مہتاب نے پی آئی اے انجئینرنگ ملازمین کو 10فیصد اضافی الائونس دینے کے اصولی فیصلے پر فوری طور پر عمل در آمد کرنے کے احکامات بھی دیئے۔ آئندہ بورڈ اجلاس میں اس کی باقاعدہ منظوری لی جائے گی۔ سردار مہتاب احمد نے اس موقع پر گفتگو کرتے ہوئے کہا کہ پی آئی اے ایک قومی ادار ہ ہے ۔انہوں نے کہا کہ پی آئی اے بحالی کے عمل سے گزر رہی ہے اور اس کی بہتری لیے تما م تر وسائل بروئے کار لائے جارہے ہیں۔

انہوں نے کہا کہ پی آئی اے کے اصل مالک اس کے ملازمین ہیں اور اس ضمن میں کوئی بھی فیصلہ انکی مرضی اور مشاورت کے ساتھ کیا جائے گا، انہوں نے کہا کے پی آئی اے کی نجکاری کے حوالے سے کوئی بھی فیصلہ لینا تمام سٹک ہولڈرز کی مشاوات کے بغیر آسان نہ ہو گا۔ ائیر لیگ وفدنے انجئینرنگ ملازمین کی لیے 10 فیصد الائونس جاری کرنے کے حوالے سے یقین دھانی کرانے پر مشیر ہوابازی سردار مہتاب کا شکریہ ادا کیا اورپی آئی اے کی بہتری اور بحالی کیلے حکومت کی جانب سے اٹھا ئے گئے اقدامات کو سراہا اور کہا کہ اس کی بہتری اور بحالی کے لیے پی آئی اے کے ملازمین حکومت کے ساتھ کھڑے ہیں۔

Facebook Twitter Google + Share on Whatsapp

وزیر اعظم کے مشیر سردار مہتاب احمد خان کی پی آئی اے انجینئرنگ ملازمین کو 10فیصد اضافی الائونس کے اجراء کی یقین دہانی

متعلقہ عنوان :

مزید قومی خبریں