دو روزہ آل پاکستان انٹر یونیورسٹیز سوئمنگ چیمپئن شپ اختتام پذیر ہوگئی

منگل 17 اپریل 2018 11:54

اسلام آباد ۔ (اُردو پوائنٹ اخبارتازہ ترین - اے پی پی۔ 17 اپریل2018ء) ہائرایجوکیشن کمیشن کے زیراہتمام دو روزہ آل پاکستان انٹر یونیورسٹیز سوئمنگ چیمپئن شپ پاکستان سپورٹس کمپلیکس، اسلام آباد میںاختتام پذیر ہوگئی۔ چیمپئن شپ میں ملک بھر سے تیرہ یونیورسٹیز کے مرد اور خواتین کھلاڑیوں نے حصہ لیا۔

(جاری ہے)

خواتین کا ایونٹ آغا خان یونیورسٹی نے جیت لیا جبکہ ایف سی کالج یونیورسٹی لاہور اور لمز نے بالترتیب دوسری اور تیسری پوزیشن حاصل کی، مردوں کے ایونٹ میں یونیورسٹی آف سنٹرل پنجاب نے پہلی جبکہ جی سی یونیورسٹی لاہور اور پنجاب یونیورسٹی نے بالترتیب دوسری اور تیسری پوزیشن حاصل کی، اس موقع پر موجود پاکستان سپورٹس بورڈ کے اسسٹنٹ ڈائریکٹر(سوئمنگ پول) سعید اختر نے کہا ہے کہ آل پاکستان انٹر یونیورسٹیز سوئمنگ چیمپئن شپ سے ثابت ہوا ہے کہ ملک میں ٹیلنٹ کی کمی نہیں ہے اور اس ٹیلنٹ کو پاکستان سوئمنگ بروئے کار لانے کیلئے اقدامات کر ے تو اس میں سے کافی کھلاڑی انٹرنیشنل سطح پر ملک کا نام روشن کر سکتے ہیں۔