بھارت کا جنگی جنون، مغربی سرحد پر جنگی طیاروں کی پانچ ہزار پروازیں

بھارتی ایئرفورس نے اب چین سے ملحقہ شمالی سرحد کا رخ کرلیا،مشقیںکسی کے خلاف نہیں،سربراہ کی گفتگو

منگل 17 اپریل 2018 15:35

نئی دہلی(اُردو پوائنٹ اخبارتازہ ترین - این این آئی۔ 17 اپریل2018ء) بھارت کا جنگی جنون انتہا کو پہنچ گیا، مغربی سرحدپرجنگی طیاروں نے 5 ہزار پروازیں کیں، بھارتی ایئر چیف کا موقف ہے کہ جنگی مشقیں کسی ملک کے خلاف نہیں۔

(جاری ہے)

بھارتی اخبار کی رپورٹ کے مطابق بھارتی جنگی طیاروں نے گنگا شکتی نامی جنگی مشقوں کے دوران صرف تین دن میں مغربی سرحدپر 5ہزار پروازیں کیں، جس کے بعد بھارتی ایئرفورس نے اب چین سے ملحقہ شمالی سرحد کا رخ کرلیا ۔

بھارتی ایئرچیف مارشل بریندرسنگھ دھنوا کا کہنا تھا کہ جنگی مشقیں کسی ملک کے خلاف نہیں،مشقوں کامقصدحقیقی جنگ کی صورت میں اپنی آپریشنل صلاحیتوں کو جانچنا ہے۔بھارتی اخبار کے مطابق مشقوں کے لئے 1150فائٹرز، ایئرکرافٹس، ہیلی کاپٹر، ڈرونز، سیکڑوں ایئرڈیفنس میزائلز، راڈارز، سرویلنس اور دیگر یونٹس تعینات کیے گئے ہیں، یہ مشقیں 87-1987 اور 02-2001 کے بعد اپنی نوعیت کی سب سے بڑی مشقیں ہیں۔