کراچی کے علاقے میمن گوٹھ سے ایک شخص کی سات روز پرانی لاش برآمد

منگل اپریل 16:50

کراچی (اُردو پوائنٹ اخبارتازہ ترین۔ 17 اپریل2018ء) کراچی کے علاقے میمن گوٹھ سے ایک شخص کی سات روز پرانی لاش ملی،ڈیفنس میں معمولی تلخ کلامی پر سکیورٹی گارڈ نے فائرنگ کرکے ہوٹل کے ویٹر کو زخمی کردیا۔دوسری جانب پولیس نے جرائم پیشہ عناصرکیخلاف کارروائیاں کرتے ہوئے 2ملزمان کو گرفتار کرلیا ۔

(جاری ہے)

تفصیلات کے مطابق میمن گوٹھ کے علاقے میں ندی سے ایک شخص کی سات روز پرانی لاش ملی ،،پولیس کے مطابق مقتول کی شناخت نہیں ہو سکی ،دوسری جانب ڈیفنس فیز 5 خیابان محافظ کے قریب ایک نجی ہوٹل کے گارڈ نے ویٹر کو تلخ کلامی کے بعد پاوں پر گولی مار دی اور موقع سے فرار ہوگیا، زخمی ویٹر کی شناخت 25 سالہ محمد حنیف کے نام سے کی گئی، پولیس نے ضابطے کی کارروائی کے بعد موقع سے فرار گارڈ کی گرفتاری کے لئے چھاپے مارنا شروع کردیئے،کورنگی پولیس نے غریب نواز اسٹاپ کے قریب کارروائی کرتے ہوئے دو اسٹریٹ کرمنل جنید اور محمد علی کو گرفتار کرلیا، ملزمان کے قبضے سے اسلحہ اور لانڈھی تھانے کی حدود سے چھینی گئی موٹرسائیکل برآمد ہوئی، ملزمان اسٹریٹ کرائم کی کی متعدد وارداتوں میں ملوث اور پولیس کو مطلوب تھے جن کے خلاد مقدمہ درج کرکے قانونی کارروائی کا آغاز کردیاہے۔

متعلقہ عنوان :