سعودی عرب ، ٹریفک حادثے میں ایک ہی خاندان کے تین افراد جان سے ہاتھ دھو بیٹھے

Sadia Abbas سعدیہ عباس جمعرات 19 اپریل 2018 10:00

ریاض (اُردو پوائنٹ اخبارتازہ ترین۔ 19 اپریل2018ء) سعودی عرب میں عسیر ریجن میں منگل کو صبح 7.47 منٹ پر کبری الدرب جانے والے البتیلہ روڈ پر دو گاڑیوں میں تصادم کے نتیجے میں 3 افراد جاں بحق اور تین زخمی ہو گئے ۔

(جاری ہے)

عسیر ریجن میں سول دفاع کے ترجمان محمد الشہری نے مقامی میڈیا سے بات کرتے ہوے بتایا کہ جاں بحق ہونے والے افراد کا تعلق ایک ہی خاندان سے تھا ۔ انہوں نے مزید بتایا کہ ایمبولینس کی مدد سے تین زخمیوں کو اسپتال منتقل کر دیا گیا ہے جن میں سے ایک زخمی کی حالت تشویشناک ہے ۔