ملتان:وحدت کالونی میں سرچ آپریشن،83 افراد کی بائیومیٹرک تصدیق

جمعرات 19 اپریل 2018 16:50

ملتان۔19 اپریل(اُردو پوائنٹ اخبارتازہ ترین - اے پی پی۔ 19 اپریل2018ء) سٹی پولیس آفیسر سرفراز احمد فلکی کی ہد ایت پر ملتان پولیس نے جے ٹی ٹی اورحساس اداروں کے ہمراہ سرچ آپریشن کیا، پولیس ترجمان کے مطابق سرچ آپریشن تھانہ لوہاری گیٹ کے علاقے وحدت کالونی میں کیا گیا، آپریشن میں 94گھروں کوچیک کیاگیا اور 83 افراد کی بائیومیٹرک تصدیق کی گئی، پولیس کے مطابق اس دوران چار مختلف نوعیت کے ہتھیار برآمد اور دو مشکوک افراد کوگرفتارکیا گیا، پولیس کے مطابق اس موقع پر اس دوران ایک عدد ناجائز اسلحہ بھی برآمد کیاگیاتھا۔