․کراچی ،رینجرز کی کارروائیاں ، ایم کیو ایم حقیقی کے بھتہ خور سمیت 14 ملزمان کو گرفتار کرکے اسلحہ،منشیات اور ایمونیشن برآمدکرلیا

جمعرات 19 اپریل 2018 18:09

کراچی (اُردو پوائنٹ اخبارتازہ ترین - این این آئی۔ 19 اپریل2018ء) رینجرز نے شہر کے مختلف علاقوں میں ٹارگٹڈ کارروائیاں کرتے ہوئے ایم کیو ایم حقیقی کے بھتہ خور سمیت 14 ملزمان کو گرفتار کرکے اسلحہ،منشیات اور ایمونیشن برآمدکرلیا ۔

(جاری ہے)

ترجمان رینجرز کے مطابق رینجرز نے کورنگی کے علاقے سے ایم کیو ایم حقیقی کے بھتہ خور فیضان کو گرفتار کیا،دوسری کارروائی گزری اور ملیر سٹی کے علاقوں میں کرتے ہوئے دو ملزمان نیاز خان اور محمد سلیم کو گرفتار کیا ملزمان اسٹریٹ کرائم کی وارداتوں میں ملوث ہیں گارڈن اور میٹھا در کے علاقوں سے 4 ڈاکووں کو گرفتار کیا جبکہ گزری،آرام باغ،درخشاں اور ملیر سٹی سے 7 ملزمان کو گرفتار کیا گیا،ملزمان منشیات فروشی کی وارداتوں میں ملوث ہیں ،گرفتار ملزمان کے قبضے سیاسلحہ ،منشیات،ایمونیشن اور دیگر سامان برآمد کیا گیا ہے ملزمان کو قانونی چارہ جوئی کے لئے پولیس کے حوالے کر دیا گیا ہے