کاشتکار ٹینڈے کی اگیتی کاشت رواں ہفتہ مکمل کرلیں ،زرعی ماہرین

جمعہ 20 اپریل 2018 12:27

فیصل آباد۔20 اپریل(اُردو پوائنٹ اخبارتازہ ترین - اے پی پی۔ 20 اپریل2018ء) جامعہ زرعیہ فیصل آبادکے زرعی ماہرین نے کاشتکاروں کو ہدایت کی ہے کہ وہ ٹینڈے کی اگیتی فصل کی کاشت رواں ہفتہ کے دوران مکمل کرلیں تاکہ بروقت کاشت کی صورت میں اچھی فصل کاحصول ممکن ہو سکے۔ ایک ملاقات کے دوران انہوںنے بتایاکہ ٹینڈے کی اگیتی فصل کی کاشت 30اپریل تک مکمل کی جا سکتی ہے ۔

انہوںنے کہاکہ ذرخیز ، ریتلی اور پانی کے اچھے نکاس والی زمین میں ٹینڈے کی اگیتی کاشت کے شاندار نتائج حاصل ہو سکتے ہیں۔

(جاری ہے)

انہوںنے کہاکہ کاشتکار ٹینڈے کی کاشت سے قبل کھیت میں گوبر کی گلی سڑی کھاد ڈال کر ہل چلاتے ہوئے اسے زمین میں اچھی طرح مکس کردیں اور کھیت کو پانی لگادیں ۔ انہوںنے کہاکہ جب وتر آجائے تو دوبارہ ہل اور سہاگہ چلاتے ہوئے ٹینڈے کی کاشت کاآغاز کردیاجائے۔

انہوںنے کہاکہ ٹینڈے کی کاشت کیلئی3میٹر کے فاصلے پر نشان لگاتے ہوئے دونوں اطراف 30سینٹی میٹر دور تین بوری سپر فاسفیٹ ، ایک بوری امونیم سلفیٹ ڈالتے ہوئے پٹریاں اس طرح بنائیں کہ مصنوعی کھاد بھی مٹی کی 8 سے 10سینٹی میٹر تہہ کے نیچے آجائے ۔ انہوںنے کہاکہ فی ایکڑ سو اکلو سے پونے دو کلو گرام شرح بیج کااستعمال بہترین نتائج کاحامل ہو سکتاہے۔

Facebook Twitter Google + Share on Whatsapp

کاشتکار ٹینڈے کی اگیتی کاشت رواں ہفتہ مکمل کرلیں ،زرعی ماہرین

متعلقہ عنوان :

مزید زراعت کی خبریں