Live Updates

گلوکارہ میشا شفیع کے علی ظفر پر الزامات، ریحام خان بھی میدان میں آگئیں

سمیرا فقیرحسین جمعہ 20 اپریل 2018 13:18

اسلام آباد (اُردو پوائنٹ تازہ ترین اخبار۔ 20 اپریل 2018ء) : گذشتہ روز پاکستانی اداکارہ ، ماڈل اور گلوکارہ میشا شفیع نے ساتھی گلوکار علی ظفر پر جنسی ہراسگی کے الزامات عائد کیے۔ اس پر شوبز انڈسٹری سے تعلق رکھنے والے فنکاروں نے ملے جلے رد عمل کا اظہار کیا۔ تاہم اب پی ٹی آئی چئیرمین عمران خان کی دوسری سابقہ اہلیہ ریحام خان نے بھی میشا شفیع کے اس انکشاف پر بیان دیا۔

ریحام خان نے ٹویٹر پر اپنے پیغام میں کہا کہ مجھے اس باہمت خاتون پر فخر ہے۔ یہ میری راک اسٹار ہے۔

(جاری ہے)

ایسی خواتین کو مزید طاقت ملے جو ایسی شکایتوں یا ایسے رویوں کےخلاف اُٹھ کھڑی ہوتی ہیں۔

Proud of this gutsy woman. That's my kind of rockstar! More power to women who stand up to predators. https://t.co/KT07tU6N8f
— Reham Khan (@RehamKhan1) April 19, 2018

یہی نہیں ریحام خان نے میشا شفیع کو تنقید کا نشانہ بنانے والوں کو بھی منہ توڑ جواب دیا اور کہا کہ جو عورت اپنے اوپر ہوئے ظلم کے خلاف آواز اُٹھاتی ہے ، اس پر لوگ طرح طرح کے کمنٹس کرتے ہیں۔ اور ایسے لوگ جو اس عورت کو جانتے تک نہیں ہیں، یہ اس بات کا واضح ثبوت ہے کہ کس طرح ہمارے معاشرے میں مظلوم کو چُپ کروا دیا جاتا ہے جبکہ ظلم ڈھانے والے مردوں کو مہذب مرد قرار دیا جاتا ہے۔

The sort of comments attacking a woman who dares to speak up from men & women who do not even know them are ample evidence of how we silence victims while describing predator men as gentlemen. #PseudoLiberals
— Reham Khan (@RehamKhan1) April 19, 2018