وزیر ریلوے محمد حنیف عباسی کا بلوچستان میں جام شہادت نوش کرنے والے کیپٹن وقار احمد اور جوانوں کو خراج عقیدت

منگل 16 ستمبر 2025 14:40

اسلام آباد (اُردو پوائنٹ اخبارتازہ ترین - اے پی پی۔ 16 ستمبر2025ء) وفاقی وزیر ریلوے محمد حنیف عباسی نے بلوچستان میں جام شہادت نوش کرنے والے کیپٹن وقار احمد اور جوانوں کو خراج عقیدت پیش کرتے ہوئے کہا ہے کہ شہداء نے وطن کے دفاع میں اپنی جانوں کا نذرانہ پیش کیا۔

(جاری ہے)

منگل کو اپنے بیان میں وفاقی وزیر ریلوے محمدحنیف عباسی نے کہا کہ سکیورٹی فورسز نے کلیئرنس آپریشن میں فتنۂ الہندوستان کے 5 دہشتگر دوں کو جہنم واصل کیا۔ فورسز کی بہادری اور قربانیوں پر پوری قوم کو فخر ہے، شہداء کی قربانیاں رائیگاں نہیں جائیں گی۔ وفاقی وزیر ریلوے نے شہداء کے اہلِ خانہ سے دلی ہمدردی اور تعزیت کا اظہار کیا۔انہوں نے کہا کہ دہشتگردی کے خلاف جنگ میں قوم اور فورسز یکجا ہیں۔