96ء میں 24 بوگس پلاٹوں کی الاٹمنٹ سے 27 کروڑ سے زائد نقصان ہوا ہے ،ْ آڈٹ حکام کی پبلک اکائونٹس کمیٹی کو بریفنگ
جمعہ 20 اپریل 2018 18:27
(جاری ہے)
سی ڈی اے حکام نے بتایا کہ یہ پلاٹ منسوخ کردیئے گئے۔
کمیٹی کے کنوینر میاں عبدالمنان نے کہا کہ اس معاملے کا جائزہ لینے کی ضرورت ہے کہ جن لوگوں کو الاٹ ہوئے ان کے ساتھ زیادتی تو نہیں ہوئی، ہمارا کام کسی سے زیادتی کرنا نہیں ہے۔ سی ڈی اے کو پی اے سی نے حکم دیا تھا کہ صرف بوگس پلاٹ منسوخ کئے جائیں اور ادارے کے ملوث ارکان کے خلاف کارروائی کی جائے۔ پی اے سی سیکرٹریٹ کی جانب سے بتایا گیا کہ یہ پلاٹ دو دو ‘ تین تین دفعہ بک بھی چکے ہیں۔ سی ڈی اے نے پی اے سی کو بتایا کہ اس وقت یہ کیس ایف آئی اے کو ارسال کردیا گیا تھا۔ پی اے سی نے ایف آئی اے کو ہدایت کی کہ دو ہفتوں میں اس کی تحقیقات مکمل کرکے پی اے سی کو پیش کی جائے۔ آڈٹ حکام نے کہا کہ اس فراڈ میں الاٹمنٹ کرانے اور الاٹمنٹ کرانے والی دو پارٹیاں ملوث ہیں۔ انہوں نے محکمانہ کارروائی کس قانون کے تحت ادارے کے افسران کے خلاف نہیں کی۔ سی ڈی اے حکام نے تسلیم کیا کہ یہ کام واقعی غلط ہوا ہے۔ شاہدہ اختر علی نے کہا کہ سی ڈی اے کی ملی بھگت کے بغیر یہ کام نہیں ہوسکتے، جن لوگوں کے دستاویزات پر دستخط موجود ہیں ان کے خلاف کارروائی روک دی گئی۔ سی ڈی اے حکام نے کہا کہ پلاٹوں کی الاٹمنٹ 1991ء اور 1996ء کی ہیں، اب وہ لوگ سی ڈی اے میں موجود بھی نہیں ہیں۔ میاں عبدالمنان نے کہا کہ بورڈ نے پلاٹوں کو ریگولرائز کیوں کیا۔ سی ڈی اے حکام نے کہا کہ بورڈ کے حکم پر الاٹیوں سے جرمانہ وصول کرکے ریگولرائز کیا گیا۔ میاں عبدالمنان نے کہا کہ گناہ گار کو سزا ملنی چاہئے تھی۔ایف آئی اے کی دو ہفتوں میں تحقیقات کی روشنی میں سی ڈی اے ذمہ داروں کے خلاف کارروائی کرے۔ میاں عبدالمنان نے ریمارکس دیتے ہوئے کہا کہ سی ڈی اے جب تک غلط کاری میں ملوث عملے کے خلاف کارروائی نہیں کرے گی اس وقت تک اس طرح کی غلط کاریوں کا سدباب نہیں ہوگا۔ پیر سوہاوہ میں2004ء میں مونال ریسٹورنٹ کی تعمیر کے حوالے سے پی اے سی نے ہدایت کی کہ اس کیس کی تحقیقات شفاف انداز میں ہونی چاہئیں تاکہ اداروں پر کوئی انگلی نہ اٹھائی جاسکے۔ پی اے سی سیکریٹریٹ کو ہدایت کی گئی کہ ابتدائی تحقیقاتی رپورٹ کو آڈٹ اعتراضات کے ساتھ دوبارہ ڈی جی ایف آئی اے کو ارسال کی جائے۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.