آئی پی ایل کے بانی للت مودی نے انٹرنیشنل کرکٹ کا مستقبل خطرے میں قرار دیدیا
آنے والے وقتوں میں کھلاڑی لیگز میںایک میچ سے ایک ملین ڈالر تک کمائیں گے جس سے عالمی مقابلوں کی اہمیت دم توڑ جائے گی اور مختلف ملکوں کے درمیان روایتی میچز بالکل ختم ہو جائیں گے، آئی سی سی ایک غیرمتعلقہ باڈی ہو گی جس کے پاس کوئی طاقت نہ ہو گی، مستقبل میں بھارت کی جانب سے آئی پی ایل کی ممکنہ توسیع پر ان کو آئی سی سی سے باہر نکالنے کی دھمکی دی تو انڈیا کے پاس اتنی طاقت ہو گی کہ وہ اپنے پیروں پر کھڑا ہو سکے،آئی پی ایل کے بانی للت مودی کابرطانوی اخبار کو انٹرویو
جمعہ 20 اپریل 2018 21:22
(جاری ہے)
لیگ میں کھلاڑیوں کو دنیا کی کسی بھی کرکٹ لیگ کی نسبت بھاری معاوضہ دیا جاتا ہے جس کی تازہ مثال انگلینڈ کے آل رانڈر بین اسٹوکس ہیں جن کی خدمات راجستھان رائلز نے 1.95 ملین ڈالرز میں حاصل کی ہیں۔
آئی پی ایل میں ایک ٹیم زیادہ سے زیادہ 12ملین ڈالر کھلاڑیوں کے معاوضے کی مد میں خرچ کر سکتی ہے لیکن مودی کا ماننا ہے کہ اگر یہ پابندی ہٹا دی جائے تو کرکٹرز اتنا معاوضہ حاصل کریں گے جتنا انگلش پریمیئر لیگ کے فٹبالر یا امریکا کی نیشنل فٹبال لیگ کے کھلاڑی حاصل کرتے ہیں۔انہوں نے کہا کہ اس کے کھیل پر بہت زیادہ اثرات مرتب ہوں گے کیونکہ پھر کھلاڑی ملک کی نمائندگی کرنے کے بجائے انڈین پریمیئر لیگ کھیل کر اپنی قسمت بدلنے کو ترجیح دیں گے۔انہوں نے پیش گوئی کہ آپ دیکھیں گے کہ کھلاڑی کو ایک میچ کے عوض 1 سے 2 ملین ڈالرز ملیں گے اور یہ بہت جلد ہو گا۔ اگر بولی کے عمل کو فری مارکیٹ کر دیا جائے تو جس کے پاس زیادہ پیسا ہو گا وہی جیتے گا اور کھلاڑی اس ٹیم کی طرف کھنچتے چلے جائیں گے جو زیادہ تنخواہ دے گی۔جان کو لاحق خطرات کے سبب لندن میں مقیم ہونے والے مودی نے مزید کہا کہ گزرتے وقت کے ساتھ ساتھ مختلف ملکوں کی ٹیموں کے درمیان مقابلے ختم ہو جائیں گے جس کے ساتھ ہی کھیل کی عالمی گورننگ باڈی انٹرنیشنل کرکٹ کونسل بھی ختم ہو جائے گی۔ان کا ماننا ہے کہ آج کے دور میں انٹرنیشنل کرکٹ کی کوئی اہمیت نہیں۔ انڈین شائقین کی نظر میں اس کی قیمت صفر ہے۔ کل آپ دیکھیں گے کہ دوطرفہ کرکٹ ختم ہو جائے گی اور بڑی سیریز ورلڈ کپ کی طرح ہر 3 یا 4 سال بعد ہوں گی۔للت مودی نے کہا کہ آئی سی سی ایک غیرمتعلقہ باڈی ہو گی جس کے پاس کوئی طاقت نہ ہو گی۔ اگر مستقبل میں انہوں نے بھارت کی جانب سے آئی پی ایل کی ممکنہ توسیع پر ان کو انٹرنیشنل کرکٹ کونسل سے باہر نکالنے کی دھمکی دی تو انڈیا کے پاس اتنی طاقت ہو گی کہ وہ اپنے پیروں پر کھڑا ہو سکے۔مزید کھیلوں کی خبریں
-
سلطان اذلان شاہ کپ فائنل: جاپانی گول کیپرز کی کوچنگ سابق پاکستانی گول کیپر نے کی
-
پاکستان اور آئرلینڈ کے مابین دوسرا ٹی ٹونٹی بارش سے متاثر ہونے کا امکان
-
قومی کرکٹرز بھی ہاکی ٹیم کی سپورٹ میں بول پڑے
-
پہلے میچ میں آئرلینڈ سے شکست، چیئرمین پی سی بی کی کپتان اور کوچ سے ملاقات، بریفنگ بھی لی
-
آئرلینڈ کے خلاف دوسرے ٹی ٹونٹی کے لیے قومی ٹیم میں دو تبدیلیوں کا امکان
-
پاکستان کا 13 سال بعد ٹرافی جیتنے کا خواب چکنا چور
-
بابر اعظم زمبابوے، افغانستان اور آئرلینڈ سے ہارنے والے پہلے پاکستانی کپتان بن گئے
-
جیمز اینڈرسن نے ٹیسٹ کرکٹ سے ریٹائرمنٹ کی تصدیق کر دی
-
ٹیم کی توجہ بھارت کیخلاف میچ جیتنے سے زیادہ ورلڈ کپ ٹرافی اٹھانے پر مرکوز ہے : صائم ایوب کا انکشاف
-
پاکستان ہاکی ٹیم آج سلطان اذلان شاہ کپ 2024 کا فائنل کھیلے گی
-
آئرلینڈ کیخلاف شکست، بابر اعظم کی سنگین غلطی کی نشاندہی کر دی گئی
-
رستم زماں گاما پہلوان کا یوم پیدائش 22 مئی کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.