معروف بھارتی ٹیلی ویژن اداکارہ کے چہرے پر کتّے نے کاٹ لیا

اداکارہ کو صحت یاب ہونے میں 20 سے 30 دن لگ سکتے ہیں ،ْ میڈیا رپورٹ

ہفتہ 21 اپریل 2018 11:50

ممبئی (اُردو پوائنٹ اخبارتازہ ترین - این این آئی۔ 21 اپریل2018ء) معروف بھارتی ٹیلی ویژن اداکارہ کے چہرے پر کتے نے کاٹ لیا۔میڈیا رپورٹ کے مطابق بھارتی ٹی وی چینل کے ڈرامے کیا حال مسٹر پنچل میں پریما کا کردار نبھانے والی اداکارہ رینا اگروال کے چہرے پر کتّے نے کاٹ لیا ،ْوہ کتّے کے ساتھ شوٹنگ میں مصروف تھیں۔ذرائع کے مطابق ایک سین کی شوٹنگ کے دوران کتّے کو اچانک غصہ آگیا اور اس نے اداکارہ کے چہرے پر کاٹ لیا تاہم جیسے ہی انہیں کتّے نے کاٹا تو انہیں فوراً ہسپتال لے جایا گیا۔

اطلاعات کے مطابق کتّے نے انہیں سیدھی آنکھ سے ذرا سی نیچے کی جانب کاٹا ہے ،ْجب انہیں ہسپتال لے جایا گیا تو ڈاکٹر نے انہیں ٹانکے لگوانے کا مشورہ دیا۔ انہیں اب تک 5 انجکشن لگ چکے ہیں ،ْ ابھی کچھ اور لگنا باقی ہیں۔

(جاری ہے)

رپورٹ کے مطابق واقعہ رونما ہونے کے بعد سے رینا اب شوٹنگ نہیں کررہی ہیں۔ اطلاعات کے مطابق انہیں صحت یاب ہونے میں 20 سے 30 دن لگ سکتے ہیں۔

رینا نے اپنے سوشل میڈیا اکاؤنٹ پر اپنی کچھ تصاویر بھی شیئر کی ہیں۔رینا سے جب اس حادثے کے حوالے سے پوچھا گیا تو ان کا کہنا تھا کہ مجھے خود کچھ سمجھ نہ آیا کہ کتّے کو اچانک کیا ہوا اور اس نے میرے چہرے پر کاٹ لیااس نے میری دائیں آنکھ کے نیچے کاٹا۔ مجھے فوراً ہسپتال لے جایا گیا جہاں ٹانکے لگوانے کا مشورہ ملا۔ مجھے اب تک 5 انجکشن لگ چکے ہیں اور ابھی کچھ لگنا باقی ہیں ،ْ 4 دن گزر چکے ہیں میں شوٹنگ پر نہیں جا پارہی ہوں اور اس انجری کو ٹھیک ہونے میں تقریباً ایک ماہ لگ جائیگا۔