جو لوگ نکالے وہ سب قرآن اٹھاتے ہیں ،ْ پھر ووٹ کہاں سے آیا ،ْ پرویز خٹک

میرے اوپر اللہ اور عمران خان ہے ،ْکوئی اور آرڈر دے ہی نہیں سکتا، عمران خان کی پارٹی میں ایسانہیں ہو سکتا غلط فہمی پر سزا نہ ملے ،ْ وزیر اعلیٰ

پیر 23 اپریل 2018 15:20

اسلام آباد (اُردو پوائنٹ اخبارتازہ ترین - این این آئی۔ 23 اپریل2018ء) وزیر اعلیٰ خیبر پختون خوا پرویز خٹک نے کہا ہے کہ ہم نے جولوگ نکالے ہیں وہ سب قرآن اٹھاتے ہیں ،ْاگر سب قرآن اٹھاتے ہیں تو پھر ووٹ کہاں سے آیا ۔ پیر کو انسداد دہشت گردی عدالت میں پیشی کے موقع پر انہوں نے صحافیوں سے گفتگو کرتے ہوئے کہا کہ الزام لگانے والے لگاتے رہیں، میں نے کسی کو پیسے دئیے نہ آفر کی۔

(جاری ہے)

پرویزخٹک نے کہا کہ میرے اوپر اللہ اور عمران خان ہے، کوئی اور آرڈر دے ہی نہیں سکتا، عمران خان کی پارٹی میں ایسانہیں ہو سکتا کہ غلط فہمی پر سزا نہ ملے۔وزیراعلیٰ خیبرپختونخواکا کہنا ہے کہ بعض ارکان کے بک جانے پر بہت افسوس ہوا ،ْ ہم نے اپنے ایم پی ایز کے خلاف الیکشن لیا ،ْدوسری پارٹیوں میں ہمت ہے تو وہ بھی ایکشن لیں۔انہوں نے مطالبہ کیا کہ (ن )لیگ کے جن لوگوں نے باہر ووٹ دیا،میاں صاحب ان کے خلاف کارروائی کریں،میں نے فیصلہ کیا تھا کہ بلوچستان کو سپورٹ کرنا ہے۔پرویز خٹک نے کہا کہ فاٹا والے ساتھ کھڑے ہوتے تو اڈپٹی چیئرمین سینیٹ ان کا ہوتا،مجبوراً ایسا فیصلہ کرنا پڑا ،ْکسی سے انتقامی کارروائی نہیں کی۔