سی ڈی اے نے فیض آباد میں تجاوزات کے خلاف آپریشن کرتے ہوئے گاڑیوں کے چھ اڈوں کو مسمار کر دیا

جمعرات 26 اپریل 2018 16:10

اسلام آباد ۔ (اُردو پوائنٹ اخبارتازہ ترین - اے پی پی۔ 26 اپریل2018ء) وفاقی ترقیاتی ادارہ (سی ڈی ای) نے فیض آباد میں تجاوزات کے خلاف آپریشن کرتے ہوئے گاڑیوں کے چھ اڈوں کو مسمار کر دیا۔ یہ آپریشن سی ڈی اے، آئی سی ٹی ایڈمنسٹریشن اور اسلام آباد پولیس کے تعاون سے جمعرات کو کیا گیا۔ یہ آپریشن فیض آباد میں غیر قانونی گاڑیوں کے اڈوں کے خلاف تھا۔

(جاری ہے)

اس آپریشن میں سی ڈی اے کے انفورسمنٹ ڈائریکٹوریٹ کے تمام سٹاف سمیت محمد رمضان ڈپٹی ڈائریکٹر، سٹاف آف ڈی ایم ای/ایم سی آئی کے علی سفیان نے اس آپریشن میں حصہ لیا۔ اس موقع پر انوائرمنٹ ونگ کا شعبہ بھی آپریشن میں موجود تھا۔ اس آپریشن کے دوران دو ایکسی ویٹر مشینز استعمال کی گئیں۔ آپریشن کے دوران چھ ٹرانسپورٹ اڈوں کے شیڈز کو مسمار کر دیا گیا۔ جن اڈوں کو مسمار کیا گیا ان میں اسلام آباد ایکسپریس، شجاع ایکسپریس، راجہ ٹریول، راجہ ٹریول II اور راجہ ٹریول III شامل ہیں۔ آپریشن کے دوران ہوٹلز کے سامنے سے بورڈز بھی ہٹا دیئے گئے۔