نجی کمپنی میں انٹرویو کے لیے آنیوالا شخص 3 موبائل فون چوری کرکے فرار

جمعرات 26 اپریل 2018 22:09

کراچی ۔ (اُردو پوائنٹ اخبارتازہ ترین - اے پی پی۔ 26 اپریل2018ء) کراچی میں شارع فیصل پر واقع نجی سکیورٹی کمپنی میں انٹرویو کے لیے آیا شخص نجی سیکیورٹی کمپنی سے موبائل چوری کرکے چلتا بنا۔

(جاری ہے)

کراچی میں سیکیورٹی فراہم کرنے والی نجی کمپنی کی اپنی سیکیورٹی کمزور نکلی، نجی سیکیورٹی کمپنی میں انٹرویو کے لیے آنے والے شخص نے آفس سے 3 موبائل چوری کرلیے۔سی سی ٹی وی فوٹیج کے مطابق ملزم انٹرویو دینے کے لیے آتا ہے اور 3موبائل فونز چوری کرکے آفس سے فوری طور پر نکل جاتا ہے۔واقعے کی سی سی ٹی وی فوٹیج قانون نافذ کرنے والے ادارے کو فراہم کردی گئی ہے۔