بھارتی فوج کی لائن آف کنٹرول پر بلا اشتعال فائرنگ ،2 شہری شہید اور 2شہری زخمی

جمعرات 26 اپریل 2018 23:00

راولپنڈی ۔ (اُردو پوائنٹ اخبارتازہ ترین - اے پی پی۔ 26 اپریل2018ء) بھارتی فوج نے ایک بار پھر لائن آف کنٹرول پر سیز فائز معاہدے کی خلاف ورزی کرتے ہوئے بلا اشتعال فائرنگ کر کی2 شہریوں کو شہید اور 2شہریوں کو زخمی کر دیا،پا ک فوج نے بروقت اور منہ توڑ جواب دیتے ہوئے بھارتی چوکیوں کو نشانہ بنایا۔

(جاری ہے)

پاک فوج کے شعبہ تعلقات عامہ (آئی ایس پی آر ) کے مطابق بھارتی فوج نے لائن آف کنٹرول پر گاؤں براملہ میں شہری آبادی کو نشانہ بنایا۔بھارتی فوج نے خود کار ہتھیاروں کی مدد سے شہری آبادی کو نشانہ بنایا، بھارتی فوج نے مارٹرز اور اینٹی ٹینک گائیڈڈ میزائل کا استعمال بھی کیا۔ بھارتی فوج کی فائرنگ سے دو پاکستانی شہری شہید اور دو زخمی ہوئے۔