پشاور،ماحول دوست بیگز استعمال کے فروغ کیلئے انتظامیہ کی کارروا ئی، 300کلوگرام پولی تھین بیگز نذرآتش

جمعہ 27 اپریل 2018 22:59

پشاور(اُردو پوائنٹ اخبارتازہ ترین - آئی این پی۔ 27 اپریل2018ء) ڈپٹی کمشنر کوہاٹ خالد الیاس کی ہدایت پر ایڈیشنل اسسٹنٹ کمشنر عباس خان آفریدی نے شہرکے مختلف حصوںمیں کارروائی کرتے ہوئے 300کلوگرام پولی تھین بیگزبرآمد کرکے نذرآتش کردیئے۔

(جاری ہے)

انہوں نے اس موقع پر 54دکانوں کا معائنہ کیااور خلاف ورزی پر32دکانداروں کو جرمانہ کیا، دریں اثناء ایڈیشنل اسسٹنٹ کمشنر عباس آفریدی کی کوششوں سے ڈاکٹر زاہد اور کوہاٹ ماڈل ٹاؤن کے انتظامیہ کے مابین27 لاکھ روپے مالیت کے 10مرلہ پلاٹ کے رقم کی واپسی کا مسئلہ خوش اسلوبی سے حل ہوگیا اور کوہاٹ ماڈل ٹاؤن انتظامیہ نے ڈاکٹر زاہد کو بغیر کٹوتی کے پوری رقم کی واپسی پر آمادگی ظاہر کرکے انہیں موقع پر14لاکھ روپے کا چیک دے دیا جبکہ باقی ماندہ رقم 20دنوں میں ادا کرے گی ۔

دونوں فریقین نے اس سلسلے میںضلعی انتظامیہ کے مفاہمتی کردار کو سراہا اور آئندہ بھی ہر قسم کے تعاون کا یقین دلایا۔