بھارت،اسپتالوں میں چوہوں کا راج، بے ہوش مریض کی آنکھ کتر لی

پیر 30 اپریل 2018 23:24

ممبئی(اُردو پوائنٹ اخبارتازہ ترین - آئی این پی۔ 30 اپریل2018ء) بھارتی شہر ممبئی کے اسپتالوں میں چوہوں کا راج ہے، چوہوں نے بے ہوش مریض کی آنکھ کتر لی۔ بھارتی میڈیا کے مطابق بھارتی شہر ممبئی کیجوگیشوری کیسرکاری اسپتال میں سڑک حادثہ کا شکار ہونیوالیمریض کے دماغ میں انجماد خون کی شکایت پیدا ہوگئی تھی جسے علاج کیلئے اسپتال میں داخل کرایا گیاتھا۔

(جاری ہے)

مریض کے والد نے بتایا کہ صبح جب مریض کی آنکھ پر خون کے قطرے نظرآئے تودیکھ کر حیرانی ہوئی ۔ جب اسے صاف کیا گیا تو چوہے کے کترنے کی علامت نظر آئی۔ اسپتال انتظامیہ نے واقعہ کی تردید کرتے ہوئے کہا کہ یہ اسپتال کو بدنام کرنے کی سازش ہے۔ واضح ہوکہ اسپتال کے جنرل وارڈ میں چوہوں کو گھومتے ہوئے دیکھا جاچکا ہے تاہم اسپتال انتظامیہ نے اس دعوے کی حقیقت جاننے کیلئے تحقیقات شروع کردی ہے۔