پاکستان سمیت دنیا بھر میںمزدوروں کا عالمی دن منایا گیا

منگل مئی 15:30

لاہور۔یکم مئی(اُردو پوائنٹ اخبارتازہ ترین۔ 01 مئی2018ء) پاکستان سمیت دنیا بھر میںمزدوروں کا عالمی دن منایا گیا، ملک بھر میں عالمی یوم مزدوراں کے سلسلہ میں عام تعطیل رہی جس کے باعث تمام سرکاری و نیم سرکاری ، کاروباری اور تعلیمی ادارے بند رہے جبکہ عدالتوں میں بھی عام تعطیل رہی ، لاہور ہائیکورٹ سمیت پنجاب بھر کی ماتحت عدالتیں مکمل بند رہیں ۔

(جاری ہے)

مزدوروں کے عالمی دن کے حوالے سے ریلیاں اور تقریبات کا انعقاد کیا گیا لاہور سمیت مختلف شہروں میں مختلف سیاسی جماعتوں کی ذیلی مزدور تنظیموں، مختلف سرکاری و غیر سرکاری اداروں کی لیبر تنظیموںاور مزدوروں کے حقوق کیلئے کام کرنے والی این جی اوز کے تحت خصوصی ریلیوں ، واکس ، سیمینارز ، کانفرنسز ، مذاکروں ، مباحثوں کا انعقاد کیا جس میں عالمی یوم مزدوراں کی اہمیت و افادیت پر روشنی ڈالنے سمیت مزدوروں کیلئے کام کاج کے بہتر ماحول کے بارے میں اظہار خیال کیا گیا۔