ساہیوال، پولیس کا آتش بازی کا سامان فروخت کر نے والوں کیخلاف آپریشن ، چھ افراد گرفتار، ایک فرار

بدھ 2 مئی 2018 15:50

ساہیوال(اُردو پوائنٹ اخبارتازہ ترین - این این آئی۔ 02 مئی2018ء) پولیس نے آتش بازی کا سامان فروخت کر نے والوں کے خلاف ایک آپریشن کے دوران چھ افراد کو گرفتار کر لیا ایک فرار ہو گیا۔مچھلی بازار میں علی رضا کو آتش بازی کا سامان فروخت کر تے ہوئے گرفتار کر لیا اور آتش بازی کا سامان پٹاخے دس ہزار،شر لیاں 120۔پھول جھڑی 130ڈبے بر آمد کر لئے ۔

(جاری ہے)

دو سرے دوکاندار عرفان سے 5500پٹاخے ،120پھول جھڑیاں بر آمد کر لی جبکہ عرفان پولیس کو چکر دے کر فرار ہو گیا ۔

دیپالپور بازار میں پولیس نے راشدا ور اسکے ساتھی کو گرفتار کر لیا ۔38انار،بھاری مقدار میں پٹاخے وغیرہ بر آمد کر لئے۔چک 53۔فائیو ایل میں پولیس نے تین دوکانداروں ریاض،حیدر علی اور علی رضا کو گرفتار کر لیا ۔تین سو سے زائد آتش بازی کے پٹاخے اور گو لے بر آمد کر لئے ۔پولیس نے پانچ مقدمات درج کر کے تفتیش شروع کر دی ہے۔