پی ٹی آئی نے راناثناء اللہ اور عابد شیر کے خلاف پنجاب اسمبلی میں مذمتی قرار داد جمع کر ادی

بدھ 2 مئی 2018 19:22

لاہور (اُردو پوائنٹ اخبارتازہ ترین - آن لائن۔ 02 مئی2018ء) پاکستان تحریک انصاف کی رکن پنجاب اسمبلی سعدیہ سہیل رانا نے تحریک انصاف کی خواتین سے متعلق نازیبا الفاظ استعمال کرنے پر رانا ثناء اللہ اور عابد شیر علی کے خلاف مذمتی قرارداد پنجاب اسمبلی میں جمع کروا دی ہے جس میں موقف اختیار کیا گیا ہے خواتین ملکی آبادی کی 58 فیصد ہیں پھر بھی رانا ثناء اللہ اور عابد شیر علی جیسے پست ذہنیت کے لوگ خواتین کو نشانہ بنانے میں کوئی موقع ہاتھ سے نہیں جانے دیتے ان لوگوں نے خواتین سے متعلق نازیبا الفاظ استعمال کر کے خواتین کے حقوق کی باتیں کرنے والے حکمرانوں کو پول کھول دیا ہے لہذا پنجاب کا یہ مقدس ایوان مطالبہ کرتا ہے کہ ان دونوں افراد کس سرکاری عہدوں سے فارغ کیا جائے اور رانا ثناء اللہ اور عابد شیر علی اپنے اس بیان پر قوم سے معافی مانگیں ۔

(جاری ہے)

مزید برآں انہوں نے نجی چینل کے رپورٹرز سے گفتگو کرتے ہوئے انہوں نے چیف جسٹس آف پاکستان سے مطالبہ کیا کہ وہ رانا ثناء اللہ کے بیان پر سوموٹو ایکشن لیں تاکہ آئندہ خواتین کی توہین کرنے کی روایت ختم ہو سکے۔