آئندہ عام انتخابات میں پیپلزپارٹی کی جیت یقینی ہے،فرزندوزیر

بدھ 2 مئی 2018 22:56

پشاور۔ (اُردو پوائنٹ اخبارتازہ ترین - اے پی پی۔ 02 مئی2018ء) پاکستان پیپلزپارٹی کے صوبائی فنانس سیکرٹری فرزندوزیر نے کہاہے کہ پیپلزپارٹی کے حالیہ کامیاب جلسوں کے بعدپارٹی کی مقبولیت میں اضافہ ہوگیاہے آئندہ عام انتخابات میں پیپلزپارٹی کی جیت یقینی ہے۔

(جاری ہے)

اپنے ایک بیان میں انہوں نے کہاکہ پیپلزپارٹی نے اپنے ہر دورحکومت میں غریب اور متوسط طبقے کیلئے آوازاٹھائی ہے یہی نہیں مرکزسمیت چاروں صوبوں کو یکساں حقوق دئیے لوگ آج بھی پیپلزپارٹی کی حکومت کے اچھے کاموں کو یاد کرتے ہیں ۔ انہوں نے کارکنوں پر زوردیاکہ آپس کے اختلافات ختم کرکے آئندہ عام انتخابات کیلئے ابھی سے تیاری شروع کریں کیونکہ 2018الیکشن میں ہماری جیت یقینی ہے۔