برٹش تھرلر ڈرامہ فلم’’ ان ڈارکنیس‘‘ کا نیا ٹریلر جاری کردیا گیا

سنسنی خیز مناظر سے بھرپور یہ فلم 25مئی کو سینما گھروں کی زینت بنے گی

جمعرات 3 مئی 2018 11:55

نیویارک (اُردو پوائنٹ اخبارتازہ ترین - این این آئی۔ 03 مئی2018ء) برٹش تھرلر ڈرامہ فلم ان ڈارکنیس کا نیا ٹریلر جاری کردیا گیا ہے۔اینتھونی بیرن کی ہدایتکاری میں بننے والی اس فلم کی کہانی پیانو بجانے والی بینائی سے محروم ایک ایسی خاتون کے گرد گھوم رہی ہے جو ایک قتل کے واقعے کے بعد انڈر ورلڈکا رخ کرلیتی ہے۔

(جاری ہے)

فلم کی کاسٹ میں نتالے ڈورمر،نیل میسکل،جیمز کوسمو،ایڈ اسکرین اور ایمیلی رتاجکوسکی سمیت دیگر اداکار شامل ہیں۔رورے ایٹکن اور اینتھونی بیرن کی مشترکہ پروڈیوزکردہ سنسنی خیز مناظر سے بھرپور یہ فلم 25مئی کو سینما گھروں کی زینت بنے گی۔