متحدہ مجلس عمل پی ٹی آئی کوشکست سے دوچارکرے گی،مولاناحسین مدنی

جمعرات 3 مئی 2018 12:46

پشاور۔ (اُردو پوائنٹ اخبارتازہ ترین - اے پی پی۔ 03 مئی2018ء) جے یوآئی (ف) پشاورکے سیکرٹری اطلاعات مولاناحسین احمد مدنی نے کہاہے کہ متحدہ مجلس عمل آنے والے انتخابات میں پی ٹی آئی کوشکست سے دوچارکرے گی،جس دن سے مجلس عمل بحال ہوئی ہے بعض جماعتوں نے ایم ایم اے کے خلاف منفی پروپیکنڈہ شروع کیاہے ۔

(جاری ہے)

ان خیالات کااظہارانہوںنے گڑھی راجکول دلہ زالہ روڈ ،قاضی کلے اورمدرسہ حیدریہ شاہین بازارمیں مختلف اجتماعات سے خطاب کے دوران کیا۔انہوںنے کہاکہ عمران خان آئے روزنئے منشورقوم کے سامنے پیش کرتے ہیں مگرافسوس ہے کہ اپنے منشورکی ایک شق بھی اپنی حکومت میں نافذ نہ کرواسکے۔