قومی کمیشن برائے انسانی حقوق جیسے ادارے ملک کی نیک نامی میں اضافے کا

باعث بنتے ہیں صدر ممنون حسین کی قومی کمیشن برائے انسانی حقوق کے چیئر مین علی نواز چوہان سے ملاقات میں گفتگو

جمعرات 3 مئی 2018 23:49

اسلام آباد(اُردو پوائنٹ اخبارتازہ ترین - آئی این پی۔ 03 مئی2018ء) صدر مملکت ممنون حسین نے قومی کمیشن برائے انسانی حقوق کی خدمات کو سراہتے ہوئے کہا ہے کہ اس طرح کے ادارے ملک کی نیک نامی میں اضافے کا باعث بنتے ہیں ۔

(جاری ہے)

صدر مملکت نے ان خیالات کا اظہار قومی کمیشن برائے انسانی حقوق کے چیئر مین جسٹس ریٹائرڈ علی نواز چوہان سے ملاقات کے دورا ن کیا ، ملاقات میں بلوچستان اور فاٹا سے تعلق رکھنے والی کمیشن کی ارکان فضیلہ عالیانی اور ڈاکٹر بیگم جان بھی موجود تھیں ۔

اس موقع پر چیئر مین قومی کمیشن برائے انسانی حقوق نے صدر مملکت کواپنے ادارے کی سالانہ رپورٹ بھی پیش کی۔ انھوں نے صدر مملکت کو ہزارہ برادری کے مسائل، کیلاش قبیلے کے تحفظ، نمائندگی ، ان کے آئینی حقوق کی بحالی اور بچوں کے تحفظ کے امور پر مشتمل الگ الگ رپوٹیں بھی پیش کیں۔ چیئرمین قومی کمیشن برائے انسانی حقوق نے ادارے کے دائرہ کار کی تفصیلات سے بھی صدر مملکت کو آگاہ کیا۔