ایکس سی ایم جی کے زیر اہتمام عالمی لوڈر آپریٹر مقابلے کا انعقاد،

قزاخستان کے مراد بیگ اتکلبائیف بہترین آپریٹر قرار

جمعہ 4 مئی 2018 13:20

الماتے ۔ (اُردو پوائنٹ اخبارتازہ ترین - اے پی پی۔ 04 مئی2018ء) تعمیراتی مشینری بنانے والی معروف بین الاقوامی کمپنی ایکس سی ایم جی نے قزاخستان کے دارالحکومت الماتے میں تیسرے عالمی لوڈر آپریٹر مقابلوں کا انعقاد کیا جس میں دنیا بھر سے 18 آپریٹرز نے حصہ لیا۔

(جاری ہے)

ایکس سی ایم جی کے نمائندگان اور تعمیرات اور کھدائی کے شعبوں کے مقامی ماہرین پر مشتمل جیوری نے قزاخستان کے مراد بیگ اتکلبائیف کو بہترین آپریٹر قرار دیا۔

ایکس سی ایم جی کے نائب صدر وانگ چنچونے مراد بیگ اتکلبائیف اور مقابلے کے دیگر شرکاء کو مبارکباد دی۔ واضح رہے کہ 74 سال سے قائم ایکس سی ایم جی گزشتہ چھ سال میں قزاخستان کو 3 ہزار سے زیادہ لوڈرز برآمد کرچکا ہے۔ اس موقع پر ایکس سی ایم جی نے ایل ایل سی ایس۔اے لمیٹڈ کمپنی کی جانب سے 500 لوڈرز کے آرڈر پر بھی دستخط کئے۔