آئی پی ایل، پوائنٹس ٹیبل پر سن رائیزرز حیدر آباد سرفہرست

جمعہ 4 مئی 2018 16:02

دہلی۔ (اُردو پوائنٹ اخبارتازہ ترین - اے پی پی۔ 04 مئی2018ء) انڈین پریمیئر لیگ (آئی پی ایل) میں پوائنٹس ٹیبل پر سن رائیزرز حیدر آباد کی ٹیم سرفہرست ہے۔ چنائی سپر کنگز دوسرے اور کولکتہ نائٹ رائیڈرز تیسرے نمبر پر ہے۔

(جاری ہے)

تفصیلات کے مطابق آئی پی ایل کے دلچسپ مقابلوں کا سلسلہ جاری ہے، سن رائیزرز حیدر آباد نے اب تک آٹھ میچ کھیل کر چھ میں کامیابی حاصل کی ہے اور وہ 12 پوائنٹس کے ساتھ پہلے نمبر پر ہے۔

چنائی سپر کنگز نے بھی 12 پوائنٹس حاصل کئے ہیں تاہم کم رن ریٹ کی بنیاد پر دوسرے نمبر پر ہے۔ کولکتہ نائٹ رائیڈرز اور کنگز الیون پنجاب 10 ، 10 پوائنٹس کے ساتھ بالترتیب تیسرے اور چوتھے نمبر پر ہے۔ رائل چیلنجرز بنگلور، دہلی ڈیئر ڈیولز اور راجستھان رائلز نے چھ، چھ پوائنٹس حاصل کئے ہیں۔