فراڈ کیس،اداکارہ سلومی رانا درخواست ضمانت مسترد ہونے پر عدالت سے فرار

جمعہ مئی 17:49

فراڈ کیس،اداکارہ سلومی رانا درخواست ضمانت مسترد ہونے پر عدالت سے فرار
لاہور(اُردو پوائنٹ اخبارتازہ ترین۔ 04 مئی2018ء) فراڈ کیس میں درخواست ضمانت مسترد ہونے پر سٹیج اداکارہ سلومی رانا عدالت سے فرار ہوگئیں۔میڈیا رپورٹس کے مطابق مکان پر قبضہ کے سلسلہ میں دھوکہ دہی مقدمے میں ملزم سلومی رانا لاہور ہائیکورٹ میں پیش ہوئی۔

(جاری ہے)

اس موقع پر جسٹس شہرام سرور نے اداکارہ کی درخواست ضمانت پر سماعت کی جس دوران مدعی کے وکیل نے ضمانت کی درخواست کی مخالفت کرتے ہوئے کہا کہ سلومی رانا نے 18 اگست 2017 کو اوورسیز پاکستانی خاتون صغراں خانم نامی سے جوہر ٹائون کے علاقے میں 25 ہزارروپے پر مکان کرائے پر لیا جس کا کرایہ نامہ تھانہ نواب ٹائون میں درج کرایا گیا لیکن اداکارہ سلومی رانا نے 20 لاکھ کا جعلی گروی نامہ تیار کر کے مکان پر قبضہ کر لیا۔

جس کے کیس میں عدالت سے ضمانت منسوخ ہونے پر سلومی رانا عدالت سے فرار ہو گئیں۔