نعیم بخاری پر حملہ نہیں کیا گیا، برطانوی ٹرانسپورٹ پولیس

اتوار 6 مئی 2018 20:10

لندن(اُردو پوائنٹ اخبارتازہ ترین - این این آئی۔ 06 مئی2018ء) برطانوی ٹرانسپورٹ پولیس نے کہا ہے کہ پاکستان تحریک انصاف کے رہنما نعیم بخاری پر کسی نے حملہ نہیں کیا۔ترجمان برطانوی پولیس کے مطابق ان کے پاس نعیم بخاری پر کسی حملے کا ریکارڈ موجود نہیں۔دوسری جانب نعیم بخاری نے نجی ٹی وی سے گفتگو میں اپنے اوپر حملے کی افواہوں کو مسترد کرتے ہوئے کہا کہ وہ سوگئے تھے، اچانک اٹھنے کی وجہ سے گرگئے اور زخمی ہوگئے۔

انہوںنے کہا کہ گرنے کے باعث ان کی چار پسلیاں ٹوٹ گئیں، ڈاکٹرز نے ان کا ایم آر آئی بھی کیا ہے تاہم وہ بے ہوشی کی وجہ جاننا چاہتے ہیں۔نعیم بخاری کے مطابق انہیں کسی نے دھکا نہیں دیا تھا وہ خود گرے تھے۔انہوں نے بتایا کہ وہ لندن نمل یونیورسٹی کے لیے فنڈز اکٹھا کرنے آئے تھے ،ْانہیں اس سلسلے میں امریکا بھی جانا تھا تاہم اب ان کی وہاں جانے کی ہمت نہیں۔

(جاری ہے)

تحریک انصاف کے رہنما انڈر گراؤنڈ اسٹیشن کے پلیٹ فارم پر گرگئے جس کے باعث انہیں چوٹیں آئی تھیں۔تحریک انصاف کے مطابق نعیم بخاری نمل کالج کی چندہ مہم کے سلسلے میں لندن میں موجود تھے جہاں وہ انڈر گراؤنڈ اسٹیشن کے پلیٹ فارم پر اچانک گر گئے۔تحریک انصاف کے مطابق نعیم بخاری کو سر اور پسلیوں والے حصے میں چوٹیں آئی ہیں جس پر انہیں لندن کے ہسپتال منتقل کیا گیا ہے جہاں ان کی حالت خطرے سے باہر ہے۔

Facebook Twitter Google + Share on Whatsapp

نعیم بخاری پر حملہ نہیں کیا گیا، برطانوی ٹرانسپورٹ پولیس

متعلقہ عنوان :

مزید اہم خبریں